Naangay ti tinawen a "Fun Bike" wenno lumba ti bisekleta kas maysa kadagiti masegseggaan nga event kabayatan ti Namunit Ecotourism Festival ti Santa Teresita, Cagayan.
Itoy a 2024, lima a kategoria ti nagsasalipan dagiti siklista iti lumba a naangay idi Pebrero 24, 2024, iti maikatlo wenno maudi nga aldaw ti festival: 10-15 years old Category, 16-30 years old Category, 31-45 years old Category, 46 years old and above Category, ken Female Open Category.
Aganay a 145 a siklista ti nakipartisipar kadagiti lima a kategoria. Dinaliasatda ti 39.12 a kilometro a ruta a nangrikus iti ili ken dimmalan iti lugar a yan dagiti gukayab, dan-aw, ken karayan (binallasiwda dagiti karayan iti Dungeg ken Aridowen) ken dadduma pay nga ecotourism sites.
Manipúd nairugi daytoy a paliga dagiti siklista, adun dagiti grupo ti bikers nga agregget a sumali, saan la dagiti taga-Santa Teresita ngem uray dagiti taga-kabangibang nga ili ken probinsia kas iti Gonzaga, Santa Ana, Aparri, Gattaran, Tuguegarao City, Sanchez Mira, Pamplona, Camalaniugan, Lallo, Baggao, ken dagiti naggapu iti Ilocos Sur ken Isabela
TURISMO: Intayon Idiay Ayuyang Garden iti Pila, Siudad ti Laoag!
Naisayangkat ti "Fun Bike" ita a tawen babaen ti panangorganisar ti munisipio babaen ken ni Mayor Rodrigo De Gracia iti tulong da Municipal Sport Coordinator Romulo S. Palor Jr. ken Municipal Civil Registry Officer Sherwin Toribio.
Dagiti nangabak a siklista iti kada kategoria:
Kaubingan a partisipante (edad 10-15): Kurt Bryan Cauillan ti Tuguegarao City;
Edad 16-30: Umuna, Jericho Quizzagon, Tuguegarao City; Maikadua, Keith Rivera, Tuguegarao City; Maikatlo, Lance Palnerou, Tuguegarao City;
Edad 31-45: Umuna, Nathaniel Olivero, Isabela; Maikadua, Allan Tapuno, Ilocos Sur; Maikatlo, Julius Tamayo, Baggao;
Edad 46 agpangato: Umuna, Aries Barnachea, Gattaran; Maikadua, Rodel Sadora, Sanchez Mira; Maikatlo, Ryan Cac, Pamplona;
Female Open Category: Umuna, Fenalyn Hidalgo, Tuguegarao City; Maikadua, Nicky Jay Alviar, Gattaran;
Kaadaywan ti naggapuan a partisipante: Allan Tapuno, Ilocos Sur;
Kaaduan a grupo ti partisipante: Gonzaga; ken
Kataengan a partisipante: Sammy Codanu,Tuguegarao. (Edison B. Tobias)
Magatang ti Bannawag kadagiti sukiyo nga aglaklako iti pagiwarnak ken magasin.
Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.
Mabalin pay a magatang ti Bannawag iti
Shopee: http://bit.ly/Bannawag-Shopee
Lazada: http://bit.ly/Bannawag-Lazada
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/BannawagMagasin
Facebook Public Group: https://www.facebook.com/groups/bannawag.magazine
Dios ti agngina.
