Maipariten ti pannakaipakat ti "no permit, no exam" nga annuroten nga ituytuyang dagiti pagadalan.
Dayta ti sagudayen ti linteg, ti Republic Act (RA) 11984 wenno "No Permit, No Exam” Prohibition Act, a pinirmaan ni Presidente Ferdinand R. Marcos Jr. idi Marso 11, 2024 tapno mapalubosan dagiti estudiante kadagiti periodic ken final nga eksaminasionda uray saanda pay a nabayadan ti matrikula ken dadduma pay a babayadanda iti eskuelaan.
Sakupen ti RA 11984 amin a publiko ken pribado a basic education (Kinder agingga iti Grade 12) nga institusion, dagiti higher education institution (kolehio wenno unibersidad), ken dagiti technical-vocational institution.
Segun ken ni Communication Secretary Cheloy Garafil, amin a masakupan nga institusion nga aglabsing iti RA 11984, agsungbat iti administrative sanctions a mabalin a yetnag ti Department of Education (DepEd), Commission on Higher Education (CHED), ken ti Technical Education and Skills Development Authority (TESDA).
Manipud Kadagiti Agdama a Kameng ti Bannawag: Dios ti Agngina!
Iti babaen ti RA 11984, maibilin iti amin a publiko ken pribado nga institusion a palubosanda nga ageksamen dagiti di pay nakabayad nga estudiante uray awan pay ti exam permit dagitoy.
Innayon ni Garafil a ti pannayimplementar ti nasao a linteg, saanna a kedngan wenno lapdan ti karbengan ken kabalinan dagiti edukasional nga institusion a mangituyang iti panangisubmitar iti promissory note, di pannakaited ti records ken credentials ti estudiante, ken ania man a legal ken administratibo a remedio a maaramidanda tapno agkolektar iti saan a nabayadan a fees.
Bilbilinen met ti RA 11984 ti Department of Social Welfare and Development (DSWD) tapno mangted kadagiti kasapulan a sertipikasion iti kasasaad ti estudiante a di makabayad maigapu kadagiti kalamidad, emerhensia, force majeure (saan a maliklikan a paspasamak), ken dadduma pay a mainugot wenno nakapapati a rason. (Ruth Abbey Gita-Carlos/Philippine News Agency)
Magatang ti Bannawag kadagiti sukiyo nga aglaklako iti pagiwarnak ken magasin.
Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.
Mabalin pay a magatang ti Bannawag iti
Shopee: http://bit.ly/Bannawag-Shopee
Lazada: http://bit.ly/Bannawag-Lazada
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/BannawagMagasin
Facebook Public Group: https://www.facebook.com/groups/bannawag.magazine
Dios ti agngina.
