Kampeon ti Comon Central School (CCS) iti naangay a Drum and Lyre Competition, Big School Category, a kas paset ti Panagsisibuyas Festival 2024 ti Aritao, Nueva Vizcaya itay Marso 21.
Dagiti dadduma pay a nangabak: Aritao Central School (first runner up ken Best in Uniform); Bone North Elementary School (second runner-up); Calitlitan Elementary School (3rd runner-up); ken Beti Elementary School (4th runner-up).
Malaksid iti kampeonato, inyalat pay ti CCS ti Best in Choreography ken Best in Musicality.
Iti Small School Category, inyalat ti Nagcuartelan Elementary School ti kampeonato; ket ti Cutar Elementary School ti kampeon iti Medium School Category.
TURISMO: Intayon Idiay Ayuyang Garden iti Pila, Siudad ti Laoag!
Tinawen nga angayen ti Aritao ti Panagsisibuyas Festival a kas panagyaman iti panagapit iti mula a sibuyas a maikadua a kangrunaan nga agrikultural a produkto ti Aritao, ken kas pakaiparangan ti namaris a kultura dagiti umili. (Lito P. Hilidon/Bannawag)
