Saan a dusaen ti Department of Education (DepEd) 'tay maestra nga agung-unget iti limmatak a Tiktok video.
Segun ken ni Bise-Presidente ken DepEd Secretary Sara Duterte, inlawlawag ti maestra a saanna ammo a naka-online isuna idi pinagungtanna dagiti estudiantena.
Kinuna ni Duterte a matarusanna ti kasasaad ti maestra, idinto a tao met laeng daytoy, nga adda pagpatinggaanna, aglalo no 25 agingga 45 nga estudiante ti aywananna.
Gapu iti daytoy binilin ni Duterte dagiti maseknan a regional office nga awan ti maipaulog a dusa iti maestra.
Manipud Kadagiti Agdama a Kameng ti Bannawag: Dios ti Agngina!
Binilin pay ni Duterte dagiti opisial ti regional office a bagbagaanda dagiti maestra nga isardengda pay laeng ti klase no makapungtotda, ket isublida ti klase inton aglabasen ti pungtotda.
Iti kallabes, impakaasi ti Teachers Dignity Coalition (TDC) ken dagiti maseknan nga ahensia a kitaen koma ti publiko ti naun-uneg a parikut iti eskuela, isu ti disiplina dagiti ubbing. (Merlina Hernando-Malipot/Manila Bulletin/Lito Hilidon/Bannawag)
