Awan ti Filipino a nadangran wenno nakaro a naapektaran ti 7.4 magnitude a ginggined iti Taiwan itay Abril 3, segun iti Manila Economic and Cultural Office (MECO).
Kinuna ni MECO Chairman Silvestro Bello III nga inigetanda ti panangwanawan ken panagkalap iti impormasion mainaig iti kasasaad dagiti Overseas Filipino Workers (OFW) iti Taiwan.
Segun ken ni Bello, awan ti naawatda a report mainaig kadagiti Filipino a nadangran iti deppaar ti Taipei, Taichung, ken Kaohsiung.
Maibatay iti datos ti Department of Migrant Workers (DMW) addan 66,475 nga OFW iti Taiwan idi Disiembre, 2023.
TURISMO: Intayon Idiay Ayuyang Garden iti Pila, Siudad ti Laoag!
Kinuna ti DMW nga adda tallo a Migrant Workers Offices (MWO) iti Taiwan ket sisasagana dagitoy a mangsaranay kadagiti Filipino a maapektaran ti ginggined. (Aaron Recuenco/Manila Bulletin//Lito Hilidon/Bannawag)
