Madama a mapatpatanor ti maysa baro a kita wenno barayti ti pagay a manamnama a nasalsalun-at para iti bagi ta mabalin a pababaen daytoy ti risgo ti diabetes wenno ti nangato a blood sugar level.
Segun iti International Rice Research Institute (IRRI), maawagan ti baro a barayti iti ultra-low glycemic index (GI) rice, ken malaksid iti itdenna a pagimbagan ti salun-at, parang-ayenna pay ti produksion dagiti mannalon ta manamnama nga ad-adu ti maapit iti daytoy a kita ti pagay.
Kinuna ni Rhowell Tiozon, rice researcher ti IRRI, a kapada met la ti ultra-low GI a pagay dagiti kasapulan iti pannakaimula ken pannakataraken ti gagangay a pagay a maimulmula, agraman mausar nga abono ken dadduma pay. "Saanna a baliwan wenno pangatuen ti presio ti bagas iti merkado ngem ketdi ad-adunto ti aggatang no rugianen dagiti mannalon ti aglako kadagiti consumer gapu kadagiti benepisio iti salun-at nga itdenna kadagidi diabetiko a tattao," innayon ni Tiozon.
Segun met ken ni IRRI associate scientist Reuben James Buenafe, planoda a suktan dagiti agdama a barayti ti pagay iti merkado kalpasan ti ekstensibo a panagsukisusok ken panag-testing. "Planomi nga ikombert ti ania man a barayti ti pagay iti low GI wenno daytay makaipaay iti nangatngato nga apit para kadagiti mannalon, napimpintas ti langana a bagas para kadagiti consumer, ken nasaysayaat ti nutritional value-na," kinuna ni Buenafe.
Manipud Kadagiti Agdama a Kameng ti Bannawag: Dios ti Agngina!
Manamnama nga apaman a mairuar ti ultra-low GI rice para iti public consumption, bumaba ti kaso ti diabetes iti pagilian. Ti diabetes ti maysa kadagiti kangrunaan a sakit a sagsagabaen ti adu a Filipino. Naayat met unay ti kaaduan a Filipino iti innapuy ket adu ti aggusto iti makunkuna nga "unli-rice" kadagiti panganan.
Kinuna ni Tiozon nga addaan dagiti gagangay a barayti ti bagas a mailaklako iti merkado iti nangatngato a glycemic index a mangpangato iti blood sugar. (GABRIELL CHRISTEL GALANG/Manila Bulletin)
Magatang ti Bannawag kadagiti sukiyo nga aglaklako iti pagiwarnak ken magasin.
Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.
Mabalin pay a magatang ti Bannawag iti
Shopee: http://bit.ly/Bannawag-Shopee
Lazada: http://bit.ly/Bannawag-Lazada
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/BannawagMagasin
Facebook Public Group: https://www.facebook.com/groups/bannawag.magazine
Dios ti agngina.
Isip pabaknangen, Bannawag ti basaen!
