Nangabak iti NCCA Rolando S. Tinio Translator's Prize 2024, naammuan-Bannawag

Inwaragawag ti National Commission for Culture and the Arts (NCCA), babaen ti National Committee on Language and Translation (NCLT), dagiti nangabak iti Rolando S. Tinio Translator’s Prize itay April 2. Panggep daytoy a premio a padayawan ken itandudo ti pannakaipatarus iti nailian a lengguahe dagiti teksto ken obra a naisurat iti nadumaduma a pagsasao iti Filipinas.

Iti kategoria a nobela, ni Ariel S. Tabag ti Santa Teresita, Cagayan ken literary editor ti Bannawag (maysa kadagiti siam a magasin nga ipabpablaak ti Manila Bulletin Publishing Corporation), ti nangabak babaen ti proyektona a panangipatarus iti Tagalog (Filipino) iti nobela a "Tomana" ni Juan S.P. Hidalgo Jr. a naiserye iti Bannawag idi 1970s.

Iti kategoria a daniw, nangabak ni Manu Avenido, premiado a piksionista ken mannaniw a taga-Bohol.

Ni Tabag ti autor ti "Karapote" (koleksion dagiti sarita nga Ilokano a naipablaak idi 2011 ken napili a Best Book of Short Fiction in Ilokano iti 31st National Book Awards [2011]), "Ay, Ni Reberen!" (nobela, 2013), "Panangarakup iti Ipus ti Layap" (koleksion ti dandaniw, 2016), "Kapessat ti Bagis" (nobela, 2016; Winner, 2013 NCCA Writers' Prize), "Panangsapul iti Puraw a Kabalio" (nobela, 2017; Grantee, 2013 National Book Development Trust Fund), "Villa ken Dadduma Pay a Sarita" (2019), "Voice Tape ken Dadduma Pay a Sarita" (2022), ken "Manen, Adda Umuna" (koleksion ti dandaniw, 2023).

Kas agipatpatarus, patarusna iti Tagalog dagiti libro a "Samtoy: Ang Aming Kuwento" (koleksion dagiti sarita nga Ilokano, 2011), "Don Calixtofano at Marangal na Paligsahan: Dalawang Dula ni Mena Pecson Crisologo" (2014), ken "Ang Buhay ni Lam-ang" (2019); manipud iti Ingles, impatarusna met iti Ilokano ti "Dagiti Sagrado a Tay-ak ti Isla Fuga" (2021), ken ti "Sirib ti Puli ni Ilokano" (2021).

Kaaduan kadagiti sarita ni Avenido ti naipablaak iti Bisaya Magasin (maysa met laeng kadagiti magasin ti Manila Bulletin). Autor ti "Ikigai Ug Ubang Piniling Mga Sugilanon" (Advaux, 2023), koleksion dagiti premiado a sarita iti Sebuano. (ANGELA JAVATE, Manila Bulletin/Dagiti imahe: NCCA)

Magatang ti Bannawag kadagiti sukiyo nga aglaklako iti pagiwarnak ken magasin.

Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.

Mabalin pay a magatang ti Bannawag iti

Shopee: http://bit.ly/Bannawag-Shopee

Lazada: http://bit.ly/Bannawag-Lazada

Para iti digital a kopia:

PressReader: http://bit.ly/3n83kNQ

Magzter: http://bit.ly/407pazG

Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph

Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,

iti Instagram: https://www.instagram.com/bannawagmagazine

iti Twitter: https://twitter.com/BannawagMagasin

Facebook Page: https://www.facebook.com/BannawagMagasin

Facebook Public Group: https://www.facebook.com/groups/bannawag.magazine