Maysa kadagiti nadangran a balay iti Yilan County iti Taiwan kalpasan ti 7.2 magnitude a ginggined itay Abril 3. Mapanen a sangapulo ti bilang ti naidasay itay Abril 4, segun iti Xinhua News Agency. (Ladawan: Pammadayaw ti PNA)

Addan uppat nga Overseas Filipino Worker (OFW) ti nadangran gapu iti ginggined iti Taiwan itay Abril 3, segun iti Department of Migrant Workers (DMW).

Itay Huebes, impakaammo ti DMW a 3 ti OFW a nadangran - maysa ti napuntaan ti ulona, maysa ti limteg ti imana, idinto a natalimudaw ti maysa, ket addada aminen iti ospital.

Kinuna ni DMW Officer-in-Charge Undersecretary Hans Leo Cacdac a napuntaan ti ulo ti babai nga OFW iti natnag a rebbek, ngem naipanen daytoy iti ospital.

Malaksid kadagitoy, kinuna ni Cacdac nga awan pay naawatda a report a sabsabali pay nga OFW a nadangran.

Eksklusibo iti Website
Manipud Kadagiti Agdama a Kameng ti Bannawag: Dios ti Agngina!

Manipud Kadagiti Agdama a Kameng ti Bannawag: Dios ti Agngina!

Kinuna ti Manila Economic and Cultural Office (MECO) a naikkan iti tulong dagiti uppat nga OFW nga aggatad iti Taiwanese $10,000.

Mapanen a 10 ti bilang ti tao a natay gapu iti 7.3 magnitude a ginggined iti Taiwan (narukod idi damo a 7.5). (Marita Moaje/PNA//Lito Hilidon/Bannawag)