Dagiti kameng ken opisial ti GUMIL Pangasinan (agpakanawan): Judge Plotinus T. Sanchez (Adviser), Vanessa Gilmar U. Domaloy (kameng), Marites M. Mostoles (Sekretaria), Jay B. Martin (PRO), Felix M. Eslava Jr. (Board of Director), Benny T. Sanchez (Board of Director), Marlyn G. del Rosario (Bise-Presidente), Dr. Fernando B. Sanchez (Presidente), Estrelita P. Brabante (Board of Director), Prescillano N. Bermudez (Board of Director), ken ni Freddy P. Galleto (Board of Director). (Ladawan: Pammadayaw ni Marlyn del Rosario)

Maitunos iti panggep ti Gunglo dagiti Mannurat nga Ilokano iti Filipinas (GUMIL Filipinas), insayangkat ti GUMIL Pangasinan ti Panagsana dagiti Mannurat nga Ilokano iti Pangasinan iti Santo Domingo National High School iti San Manuel, Pangasinan itay Abril 5.

Ti panagsana, kaipapananna ti panagaramid iti asin, ngem iti daytoy a programa, isu ti panangpataud iti kinamannurat, saan laeng a dagiti ubbing, no di ket iti asino man nga adda panagduyosna nga agsurat iti Ilokano.

Dimmar-ay ti agarup 80 nga adalan ken mannursuro iti elementaria ken hayskul iti San Manuel kas iti Flores Integrated School (14 nga adalan, 2 a mannursuro); Cabaritan Elementary School (2 mannursuro ken 21 nga adalan); Bobon Elementary School (4 a mannursuro ken 8 nga adalan); Juan C. Laya Sped Center (2 a mannursuro); Sto. Domingo National High School (2 a mannursuro ken 18 adalan); ken San Juan Elementary School (1 mannursuro ken 4 nga adalan).

Ni Prescillano N. Bermudez ti naglektiur maipapan iti panagsurat iti salaysay kadagiti adalan iti hayskul; idinto nga "storytelling" ti imbinglay ni Estrelita P. Brabante kadagiti adalan iti elementaria.

Eksklusibo iti Website
Manipud Kadagiti Agdama a Kameng ti Bannawag: Dios ti Agngina!

Manipud Kadagiti Agdama a Kameng ti Bannawag: Dios ti Agngina!

Naggiddan ti panakaipaay dagiti lektiur ta pigtaw laeng ti panagserrek dagiti ubbing gapu iti napudot a tiempo.

Naangay ti Panagsana kas pangrambak iti Pangasinan Day ken iti Bulan ti Literatura Ilokano. (Lito Hilidon/Bannawag)