Iti yaadani ti maudi a panageksamen dagiti estudiante iti kolehio, kiniddaw ni Quezon City 4th district Rep. Marvin Rillo iti Commission on Higher Education (CHEd) ken iti Department of Education (DepEd) ti nainget koma a panangipatungpalda iti linteg a mangiparit iti “no permit, no exam."
Imbatad daytoy ni Diputado Rillon, Vice Chairperson ti House Committee on Higher and Technical Education, idi Abril 14, 2024 tapno agtungpal koma amin a maseknan a pagadalan.
Bilinen ti Republic Act (RA) No. 11984, wenno ti “No Permit, No Exam Prohibition Act” dagiti amin a pribado ken para iti publiko a pagadalan a palubosanda dagiti nakurapay nga estudiante nga ageksamen uray saanda pay a nabayadan ti matrikula ken dadduma pay a baybayadanda iti eskuela.
Administratibo a dusa ti maipataw kadagiti institusion ti edukasion a manglabsing iti daytoy a linteg.
Manipud Kadagiti Agdama a Kameng ti Bannawag: Dios ti Agngina!
Kinuna pay ni Rillon a pagrebbengan ti DepEd ken CHEd ti mangipamusposan tapno maipaay ti edukasion iti amin. (Dexter Barro II/Manila Bulletin//Lito Hilidon/Bannawag)
