Tallo nga Overseas Filipino Worker (OFW) ti natay gapu iti layus iti United Arab Emirates (UAE), segun iti Department of Migrant Workers (DMW) idi Abril 18, 2024.
Kinuna ni DMW officer-in-charge Undersecretary Hans Leo Cacdac a dua a babbai ti natay gapu iti pannakalungngúopda iti uneg ti lugan bayat ti layus. Maysa a lalaki nga OFW ti natay gapu ta natnag ti pagluglugananna iti lungog iti kangitingitan ti layus.
Isagsaganan dagiti kameng ti Migrant Workers Offices (MWO) ken ti Overseas Workers Welfare Administration (OWWA) iti Dubai ken Abu Dhabi dagiti ipaayda a tulong iti pamilia dagiti tallo nga OFW.
Malaksid iti daytoy, isagsaganada pay dagiti tulong nga ipaayda kadagiti OFW iti Al Ain ken Dubai. (Marita Moaje/PNA//Lito Hilidon/Bannawag)
