Saan a maburiboran ni First Lady Liza Araneta-Marcos kadagiti manguy-uyaw iti kaingungotna, idinto a kinunana a di met maapektaran kadagiti minamaag a komento dagitoy a kritiko.
Daytoy ti imbatad ti First Lady iti pananginterbiu kenkuana ni Anthony Taberna iti YouTube channel idi Abril 19, 2024.
Nupay maysa nga abogada ni First Lady Liza, kinunana a dina gamden nga idarum dagiti manguy-uyaw iti pamiliana ta pagsayangan laeng daytoy iti panawen.
Kinuna ti First Lady a nasair isuna idi damo a nangngegna ti adu a pammabalaw kontra iti pamiliana, ngem dinan italtalek dagitoy ta kas kunana, nagbalinen a minamaag ti isawsawangda, idinto a di met natakneng dagitoy.
Manipud Kadagiti Agdama a Kameng ti Bannawag: Dios ti Agngina!
Patien ketdi ni First Lady Liza a sumardengton dagiti kritiko kalpasan ti 1,500 nga aldaw, inton panawandan ti Malakanyang. (Argyll Cyrus Geducos/Manila Bulletin//Lito Hilidon/Bannawag)
