Sisasagana ti Commission on Higher Education (CHED) a mangimbestigar iti maipadpadamag a panaggatang dagiti estudiante a Chinese iti degree kadagiti nagenrolanda a pagadalan iti Cagayan.
Iti maysa nga statement, kinuna ni CHED Chairman J. Prospero De Vera III a “nadagsen nga alegasion daytoy panagaw-awat dagiti unibersidad kadagiti ganggannaet nga estudiante sa maaramat ida a kas 'paggatasan a baka’.”
Sipipinget ti CHED a nangidagadag kadagiti maseknan a partido a mangiwayatda iti pormal a reklamo nga addaan kasapulan nga ebidensia maibusor kadagiti unibersidad a mapapati a pagdudupudopan a pagenrolan dagiti ganggannaet nga estudiante, partikular dagiti Chinese national, kas maipadpadamag.
Iti maysa a waragawag, pinasingkedan ti CHED ti “significant number” dagiti nakaenrol nga estudiante a Chinese iti Saint Paul University Philippines (SPUP), maysa a pribado nga unibersidad iti Tuguegarao City, Cagayan.
Ket Itartarayanmi Dagiti Bomba
Segun iti CHED, maysa a higher educational institution ti SPUP nga impaayan ti CHED iti autonomous status idi 2002, ken addaan iti Authority to Accept Foreign Students babaen ti Bureau of Immigration.
Kasakbayanna, indarirag dagiti senador iti CHED a sukimaten daytoy ti maipadpadamag a panaglako iti degree kadagiti ganggannaet nga estudiante iti Cagayan, iti presio nga umabot pay iti sag-PhP2-milion.
Indagadag ni Senador Francis Escudero ken ni security analyst ken founding president ti International Development and Security Cooperation (IDSC) Chester Cabalza a mangipila daytoy iti reklamo iti CHED tapno madagadag ti komision a mangimbestigar ken mangipaulog iti show-cause orders iti SPUP.
Segun pay ken ni De Vera, maibatay iti rekord ti CHED Region 2, awan ti nakaenrol nga estudiante a Chinese kadagiti publiko a kolehio ken unibersidad iti Cagayan.
Inlawlawag daytoy ni De Vera maigapu kadagiti maipadpadamag a yaadu dagiti Chinese nga agen-enrol kadagiti unibersidad iti Cagayan iti baet ti pakaseknan mainaig iti agdama a kasasaad iti West Philippine Sea.
Mainaig iti pakaseknan ti nasional a seguridad, nangisayangkat met ti Armed Forces of the Philippines (AFP) iti panagsukimat gapu iti nasao a yaadu ti bilang dagiti estudiante a Chinese iti Cagayan iti baet dagiti maiwarwaras a padamag iti social media a mapapati nga aktibidad ti panagespia. (MERLINA HERNANDO-MALIPOT, DHEL NAZARIO/Manila Bulletin)
Magatang ti Bannawag kadagiti sukiyo nga aglaklako iti pagiwarnak ken magasin.
Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.
Mabalin pay a magatang ti Bannawag iti
Shopee: http://bit.ly/Bannawag-Shopee
Lazada: http://bit.ly/Bannawag-Lazada
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/BannawagMagasin
Facebook Public Group: https://www.facebook.com/groups/bannawag.magazine
Dios ti agngina.
Isip pabaknangen, Bannawag ti basaen!
