Inangay ti Gunglo Dagiti Mannurat nga Ilokano iti Filipinas (GUMIL Filipinas) ti panangrambak iti kasangay (Abril 19) ni Leona Florentino, ti mabilang nga Ina ti Literatura nga Ilokano, iti monumentona iti Calle Crisologo iti Siudad ti Vigan idi Abril 21, 2024, babaen ti pannakitinnulong ti gobierno probinsial ti Ilocos Sur ken ti city government ti Vigan.

Ni Gobernador ti Ilocos Sur Jeremias "Jerry" Singson.
Ni Presidente ti GUMIL Filipinas Ariel Sotelo Tabag.

Nangipaay iti naisangsangayan a mensahe ni Gobernador Jeremias "Jerry" Singson. Impanamnamana ti agtultuloy a suportana kadagiti aktibidad ti GUMIL a kas iti panagilibro kadagiti obra dagiti mannurat ti Ilocos Sur. Nairuangan pay kenkuana ti kiddaw ti GUMIL a pannakaipasdek iti batonlagip ni Apo Pedro Bucaneg a manamnama a maipatakder iti ili ti Bantay, Ilocos Sur.

Ni Presidente ti GUMIL Filipinas Ariel S. Tabag, iti panangisagutna kadagiti libro nga Ilokano ken ni Gobernador Jerry Singson.

Inyebkas met ni Vigan City Mayor Jose "Bonito" Singson, babaen ken ni Vigan City Councilor Jay Andia, ti panagtamedna iti ingungoten a patanor ti Vigan a mannaniw a babai a nangitandudo iti literatura ken kultura nga Ilokano ken iti karbengan ti babbai kas mannurat iti sangalubongan.

Da Gobernador Jerry Singson ken Leona Florentino Awardee Elizabeth M. Raquel iti panangidatonda iti sabsabong iti monumento ni Leona Florentino.

Paset met ti programa ti panangibasa da Elizabeth Madarang-Raquel ken Virginia A. Duldulao, agpada a Leona Florentino Awardee (ti kangatuan a pammadayaw nga ipapaay ti GUMIL kadagiti mannurat a babbai) iti dua a daniw ni Leona.

Panagsarita ni Ariel S. tabag, presidente ti GUMIL Filipinas, impeksana ti panagyaman dagiti mannurat nga Ilokano iti agtultuloy a panangipatpateg ken panangtagtaginayon ti probinsia ti Ilocos Sur ken ti siudad ti Vigan iti lagip ken patawid ti probinsia ken ti siudad a ni Leona Florentino ken ti panangbigbig ti gobierno probinsial kadagiti mannurat nga Ilokano ken ti akemda iti pannakaitandudo ken pannakaitalimeng ti lengguahe, literatura, ken kultura nga Ilokano. --O (Ala ni Mark Tabunan dagiti ladawan)

Magatang ti Bannawag kadagiti sukiyo nga aglaklako iti pagiwarnak ken magasin.

Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.

Mabalin pay a magatang ti Bannawag iti

Shopee: http://bit.ly/Bannawag-Shopee

Lazada: http://bit.ly/Bannawag-Lazada

Para iti digital a kopia:

PressReader: http://bit.ly/3n83kNQ

Magzter: http://bit.ly/407pazG

Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph

Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,

iti Instagram: https://www.instagram.com/bannawagmagazine

iti Twitter: https://twitter.com/BannawagMagasin

Facebook Page: https://www.facebook.com/BannawagMagasin

Facebook Public Group: https://www.facebook.com/groups/bannawag.magazine

Dios ti agngina.

Isip pabaknangen, Bannawag ti basaen!