Inyalat ti Simbaluca Elementary School, babaen ken ni Staycee G. De Leon, ti 'Guhit Bulilit' District Elimination Round a naangay idi Abril 17, 2024 iti Santa Teresita Central School ken nagsasalipan dagiti 13 nga agad-adal iti kindergarten manipud kadagiti public elementary school iti Santa Teresita District ti Santa Teresita, Cagayan.
Addaan tema a "Galing Talino at Husay ng mga Batang Makabansa sa Diwa ng Matatag na Adhika," indrowing dagiti nagsasalip ti buya ti maysa a lugar segun iti panagkita wenno panangimutektekda sada imbaga wenno inlawlawag no ania ti indrowingda.
Segun ken ni District Kindergarten Coordinator Agatha SC. Sotelo, dagiti sumaganad ti kriteria ti salip ("draw and tell"): relevance to the theme, 15%; visual organization, 15%; color harmony, 20%; workmanship, 20%; ken ti delivery: fluency, 10%; expressing, 10%; confidence, 10%.
Nagusar dagiti nakisalip iti 10 x 8 inches nga illustration board ken krayola ken naikkanda iti dua nga oras a mangileppas iti idrowing ken ilawlawagda a buya.
<i>Vigilante star... for all seasons: </i>Maysa a panangrebiu iti 'Uninvited'
Indrowing ni Staycee ti buya iti maysa a komunidad nga addaan kadagiti kasapulan tapno agbiag ti tao babaen ti panangiladawanna iti nakaparsuaan: bambantay, kaykayo, billit, init, ken dadduma pay a makita iti aglawlaw. Inikkanna met iti pagadalan, simbaan, munisipio, pagtaengan, ken tattao nga agbibiag a natalinaay.
Ni Staycee ti mangibagi iti Santa Teresita District, Santa Teresita, Cagayan iti Division Festival of Talents iti Gattaran National Trade School idiay Gattaran, Cagayan.
Inyalat met ni Mariah Abcxyz R. Capa ti Villa Elementary School ti maikadua a gunggona babaen ti indrowingna a pagwadan a mannursuro a modelo ti idol-na a teacher.
Ti maikatlo a gunggona, ni Stephen Kyrie G. Pajarillo ti Buyun Elementary School, indrowingna ti kinapateg ti kultura ti Filipino, ti panangipateg ti bukod a pagilian, ken ti panangraem ken panangtaripato kadagiti indigenous people ken iti nakaparsuaan.
Dadduma pay a nangabak: Jhasmin C. Saribay ti Caniugan Elementary School, maikapat a gunggona; ken Maureen Joyce Puruel ti Simpatuyo Elementary School, maikalima a gunggona.
Iti panagsarita ni Public School District Supervisor Ellen Florita S. Bosi, impaganetgetna a "pasantakentayo dagiti talento nga adda kadagiti ubbing babaen ti panangtenneb kadakuada tapno agbalinto nga igamda ti laingda a mangital-o ti pagsayaatanda iti masakbayan." (Teksto ken ladawan: Edison B. Tobias)
Magatang ti Bannawag kadagiti sukiyo nga aglaklako iti pagiwarnak ken magasin.
Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.
Mabalin pay a magatang ti Bannawag iti
Shopee: http://bit.ly/Bannawag-Shopee
Lazada: http://bit.ly/Bannawag-Lazada
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/BannawagMagasin
Facebook Public Group: https://www.facebook.com/groups/bannawag.magazine
Dios ti agngina.
Isip pabaknangen, Bannawag ti basaen!
