Nakoronaan a kas Limgas World 2024 ni Lhya Yzhienne Laylo a tubo ti Pozorrubio iti Limgas na Pangasinan 2024 a naangay iti Capitol Plaza, Lingayen, Pangasinan idi Abril 26, 2024.
Ni Laylo ti isalip ti Pangasinan iti Miss World Philippines inton umay a tawen.
Nakoronaan met ni Jenesse Viktoria Mejia a tubo ti Malasiqui a kas Limgas na Pangasinan-Grand 2024; ken ni Pearline Joy Bayog a tubo ti Lingayen ti nakoronaan a kas Limgas na Pangasinan-Mutya 2024.
Inyalat met ni Rebecca Rose Ayuban (Urbiztondo) ti first runner-up, second runner-up ni Izzy Nina Bernardino (Sta. Barbara), ken third runner-up ni Paulie Alexa Camat (Binalonan).
TURISMO: Intayon Idiay Ayuyang Garden iti Pila, Siudad ti Laoag!
Nagpaay a hurado da Billie Hakenson (Miss Universe Philippines 2020 4th RU), Maria Gigante (Universal Woman 2024), Michelle Dee (Miss Universe Philippines 2023), Tracy Perez (Miss World Philippines 2021), Pauline Amelinckx (Miss Supranational 2023 1st RU), Gerry Diaz (Pangulo ti Aces & Queens), Rian Fernandez (International Fashion Designer), ken Arnold Vegafria (Chairman ken CEO ti ALV Pageant Circle Management ken International Director ti Miss World Philippines ken Miss Grand Philippines). (Teksto: Province of Pangasinan Facebook Page//Lito Hilidon/Bannawag)
