Gapu iti nakaro a pudot ti panawen iti agdama, mabalin a makariknatayo iti saksakit a kas iti heat cramps, heat exhaustion, ken heat stroke, segun iti Department of Health (DOH).
Tapno agtalinaed a nasalun-at latta ita a kalgaw, ammuen dagiti sintomas ti saksakit a mainaig iti pudot ken dagiti rumbeng nga aramiden no makarikna iti uray maysa kadagitoy.
Kinuna ti DOH a ti heat cramps isu ti panagut-ot wenno panagbetted ti laslasag wenno pispiskel iti gurong ken tian, a mabalin a mapasaran no agob-obra wenno agaramid kadagiti pisikal nga aktibidad kabayatan ti napudot a panawen.
Dagitoy ti sintomas ti heat cramps: panagbetted, pannakabannog, pannakaulaw, panagsakit ti ulo, panagsarua.
TURISMO: Intayon Idiay Ayuyang Garden iti Pila, Siudad ti Laoag!
Mapasaran met ti heat exhaustion, segun pay iti DOH, no nakaro ti pannakabannog maigapu iti pudot aglalo no mabaybayag ti kaadda iti kainaran ket saan nga uminum iti umisu a kaadu ti nadalus a danum. Mabalin pay a makaigapu daytoy iti dehydration.
Mapaspasaram ti heat exhaustion no nabambannogan la unay, agkakapsut, agsakit ti ulo, agbakuar.
Ti met heat stroke ti kakaruan a sakit a mapasaran iti kada kapudot unay ti panawen, segun iti DOH. Masapul ti madagdagus a medikal nga atension no ma-heat stroke ti maysa a tao. Mapasamak daytoy no saan a mabaelan ti bagi a palamiisen ti bukodna ket agtunda iti napeggad a panagbara unay ti bagi.
Sintomas ti heat stroke: pannakaawan ti puot, pannakaul-ulaw wenno pannakatikaw, pannakaatake iti puso.
No mapasaran ti ania man kadagiti nadakamat a sitomas ti tallo a saksakit a mainaig iti pudot ti panawen. adtoy dagiti mayuna a panglakagan a pangsaranay a masapul a laglagipen ken ipakat, segun iti DOH:
- Mapan kadagiti nalinong wenno napariir a lugar.
- Agsuot kadagiti naingpis wenno napresko a pagan-anay.
- Palamiisen ti bagi babaen ti cold compress wenno yelo a nabungon iti tela.
- In-inayaden ti uminum iti nalamiis a danum.
- Kontaken dagiti serbisio ti emergency wenno ospital.
Dagitoy met ti rumbeng nga aramiden tapno maliklikan a mapasaran ti ania man a sakit a gubuayen ti napudot a panawen:
- Uminum iti umno a kaadu ti danum.
- Liklikan ti iced tea, soda (sopdrink), kape, wenno mainum nga addaan alkohol (arak).
- Limitaran ti outdoor activities manipud 10 AM agingga iti 4 PM.
- Agusar iti proteksion iti sunburn kas iti kallugong, payong, ken sunblock.
- Agsuot iti nalag-an ken saan a nakipet a kawes.
Iti kanito a kasapulan ti tulong, kinuna ti DOH a kontaken ida iti HEMB-OpCen babaen dagiti numero a 0917-8059756 wenno 0917-8619528, (02) 8651-7800, lokal 2206/2207; wenno ag-e-mail iti [email protected]. (MJ Salcedo/Balita)
Magatang ti Bannawag kadagiti sukiyo nga aglaklako iti pagiwarnak ken magasin.
Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.
Mabalin pay a magatang ti Bannawag iti
Shopee: http://bit.ly/Bannawag-Shopee
Lazada: http://bit.ly/Bannawag-Lazada
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/BannawagMagasin
Facebook Public Group: https://www.facebook.com/groups/bannawag.magazine
Dios ti agngina.
Isip pabaknangen, Bannawag ti basaen!
