Naitampok iti panagpiesta ti ili ti Bangui, Ilocos Norte ti Tinuno Festival a nakipartisiparan ti 14 a barangay ti ili ken dagiti nadumaduma nga ahensia ti gobierno ken non-govermental organizations.
Nangrugi ti piesta idi Abril 25 ken agleppas iti Mayo 1, 2024.
Maysa a coastal town wenno adda iti igid ti baybay ti Bangui ket adu ti makalkalap a lames ditoy kas iti dumadara a naimas a maituno, isu a naawagan iti "tinuno" ti isaysayangkatda a festival. Iti naangay a Tinuno Festival ita a tawen, naisarabasab pay dagiti natnateng a kas iti okra ken sili. Adda pay karne ti manok ken baboy. Nagsasanguan dagiti umili ken bisita dagiti naituno a lames ken nateng ken karne babaen ti boodle fight.
Napili pay dagiti kasisiglatan a grupo a nagluto ket inyalat ti Bangui National High School ti maikapat a puesto.
Manipud Kadagiti Agdama a Kameng ti Bannawag: Dios ti Agngina!
Adda met pakainaigan ti Tinuno Festival iti patron ti ili a ni Apo San Lorenzo, diakono ken martir, a "natuno" gapu iti panagayatna kadagiti napanglaw ken addaan sagubanit.
Idadauluan ni Mayor Fidel A. Cimatu daytoy bassit ngem nadur-as nga ili iti Amianan. Ni met Bise Mayor Denton Lawrence Garvida ti manarawidwid iti piesta ita a tawen. (Abraham C. Aguino Jr./Ladawan: Mark Ian Catacutan ken Judith Galing)
Magatang ti Bannawag kadagiti sukiyo nga aglaklako iti pagiwarnak ken magasin.
Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.
Mabalin pay a magatang ti Bannawag iti
Shopee: http://bit.ly/Bannawag-Shopee
Lazada: http://bit.ly/Bannawag-Lazada
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/BannawagMagasin
Facebook Public Group: https://www.facebook.com/groups/bannawag.magazine
Dios ti agngina.
Isip pabaknangen, Bannawag ti basaen!
