Manginanama dagiti mannalon iti Mindanao nga ipaayan ida ti gobierno kadagiti makinaria a pagtalon, irrigasion, ken kabaruan a teknolohia tapno mapaadu ti apitda, kas suporta ni Presidente Ferdinand "Bongbong" Marcos Jr. kadakuada.
Iti seremonia ti pannakalukat ti Malitubog-Maridagao Irrigation Project Stage II (MMIP II) iti Pikit, Cotabato itay Abril 29, 2024, inkari ti Presidente nga itag-ayna ti biag dagiti mannalon.
Nasurok a 4,000 a mannalon ti manamnama nga agnumar iti nakuna a proyekto.
Kinuna ni Presidente Marcos a kontrolado ti gobierno ti epekto ti El Niño iti pagilian ta addan naipasdek nga irrigasion, dam, ken pagurnongan iti danum nga impangpangruna ti administrasionna. (Raymund Antonio/Manila Bulletin//Lito Hilidon/Bannawag)
Eksklusibo iti Website
