Libro a koleksion dagiti sarita ni Reynaldo A. Duque, nayalnag-Bannawag

Nayalnag ti libro a koleksion dagiti sarita ni Reynaldo A. Duque (Oktubre 29, 1945-Abril 8, 2013) itay Abril 28, 2024 iti San Isidro, Parañaque City babaen ti panangsangaili ni Teresita Rodriguez-Duque, balo daydi Apo Duque.

Napauluan iti Panagsubli Idiay Bagani Ubbog ken Dadduma Pay a Sarita, buklen daytoy ti duapulo ket uppat a sarita a kaaduan ti premiado a pinili da Roy V. Aragon ken Ariel Sotelo Tabag, ken impaayan iti pakauna ni Junley L. Lazaga. Ni Luce Domini F. Melegrito ti nangiladawan iti akkub.

Iti introduksion, dinakamat ni Lazaga a gapu iti kinalawa ti nausatan a dana ni Apo Duque iti tay-ak ti kurditan, maysa a wagas ti panagsublisubli kadagiti sinuratna tapno ad-adda a maawatantayo ti pakasaritaan ti kurditantayo ken uray ti tawid a kannawidantayo nga Ilokano.

Iti pannakayalnag ti *Panagsubli Idiay Bagani Ubbog ken Dadduma Pay a Sarita* ni Reynaldo A. Duque (1945-2013) iti panangsangaili ni Teresita Rodriguez-Duque idi Abril 28, 2024 iti Parañaque City. Sango, agpakanawan: Luce Domini F. Melegrito (nangiladawan iti akkub), T.R. Duque, Eden L. Cachola-Bulong, ken Dionisio S. Bulong. Likud, agpakanawan: Faye Q. Flores-Melegrito (nangiturong iti programa ti alnag), Norielyn C. Cullar-Tabag (*publisher),* Ariel Sotelo Tabag (maysa kadagiti nagpili iti sarita), ken Roy V. Aragon (maysa kadagiti nagpili iti sarita). *(Rinetrato ni Rolly Melegrito)*

Maysa kadagiti nagsarita iti alnag ni nag-Editor ti Bannawag Dionisio S. Bulong a nasinged a pagayam ni Apo Duque. Dinakamat daytoy a pammaneknek dagiti sarita iti kinasariwawek ti panunot daydi Apo Duque.

Impablaak ti Sadiri Publishing ti libro babaen ti imprint daytoy a Saniata Prints, ken iti babaen ti tulong ti National Book Development Board.

Magatang ti libro iti online store ti Sadiri Publishing iti Lazada babaen daytoy a link: http://tinyurl.com/2vb8jw3z, ken kadagiti lokal a bookstore kas iti Solidaridad Bookshop iti Manila, Roel’s Bookshop iti Quezon City, ken Onin’s General Merchandise iti Sanchez Mira, Cagayan; ken manamnama a magatang pay iti Baybayin Trade iti Pasig City ken Mt. Cloud Bookshop iti Siudad ti Baguio. (SP)

Magatang ti Bannawag kadagiti sukiyo nga aglaklako iti pagiwarnak ken magasin.

Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.

Mabalin pay a magatang ti Bannawag iti

Shopee: http://bit.ly/Bannawag-Shopee

Lazada: http://bit.ly/Bannawag-Lazada

Para iti digital a kopia:

PressReader: http://bit.ly/3n83kNQ

Magzter: http://bit.ly/407pazG

Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph

Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,

iti Instagram: https://www.instagram.com/bannawagmagazine

iti Twitter: https://twitter.com/BannawagMagasin

Facebook Page: https://www.facebook.com/BannawagMagasin

Facebook Public Group: https://www.facebook.com/groups/bannawag.magazine