Salaysay ni YNES LUVIN CID FLORES
AGTAWENAK iti siam idi damagen ni lolongko a Canuto Cid no kayatko ti makasursuro nga agbasa ti Ilokano. Agbasbasaak ngamin idi iti eskuela nga imatonan dagiti mamadre ket pinagbalindakami nga Inglesera.
Nagtung-edak ket dagus met nga inruar ni lolongko dagiti iduldulinna a kopia ti Bannawag.
Idi damo, pinabus-oyannak pay laeng a manglukiblukib iti magasin. Diak malipatan ti panagpiesta dagiti matak kadagiti namaris a panidna.
Madamdama pay, inrugin ni lolongko ti mangisuro kaniak nga agbasa iti Ilokano. Ket kastoy ti panangisurona kaniak: mangbasa nga umuna, sa tuladek nga ibalikas ti ania man a binasana.
TURISMO: Intayon Idiay Ayuyang Garden iti Pila, Siudad ti Laoag!
Dagiti komiks ti Bannawag ti inusar ni lolongko a mangisuro kaniak nga agbasa ti Ilokano. Ta al-alisto kano a maawatak dagiti balikas no adda makitkitak a drowing.
Kalpasan iti sumagmamano a daras a panangisuro kaniak ni lolongko, kabaelakon ti agbasa ti Bannawag nga agmaymaysa.
“Nagdaraska a nakaadal iti Ilokano!” impalakpak idi ni lolongko. “Napintas ngamin a pagsursuruan ti Bannawag.”
Adukami idi nga agkakabbalay--da lolong ken lolangmi, dagiti dadakkelmi, ken dakami nga innem nga agkakabsat.
No sumangpet ti Bannawag-mi, da lolong ken lolangmi ti umuna a mangbasa. Inton ibbatandan ti magasin, pagiinnagawanmin; masansan nga agsangsangitak ta siak no kua ti maudi a makasublat.
Isu nga inkeddeng ni lolong nga aglakokami man laengen ti Bannawag iti tianggimi tapno adut’ kopia a mabalinmi a pagsisinsinan a basaen. Ngem inkondisionna a saysayaatenmi a lukiben tapno saan a madadael ta kababain kadagiti aggatang.
Ket sipud idi agingga ita, aglaklakokami pay laeng iti Bannawag iti tianggimi a masarakan iti Rizal Street iti Siudad ti Laoag.
Adut’ liwliwa a naited kaniak ti Bannawag gapu kadagiti linaonna a komiks, sarita, ken daniw. Adu met ti nasursurok gapu kadagiti ipabpablaakna a salaysay, pammagbaga, ken tips para kadagiti nadumaduma a linabag ti panagbiag.
Ket amin dagitoy a napurosko kadagiti panid ti Bannawag, nausarko iti panagbalinko a mannursuro iti naunday a panawen iti Holy Spirit Academy of Laoag.
Agyamanak, Apong Bannawag! --O
(Nayanak ni Miss Ynes Luvin Cid Flores idi Enero 21, 1952 iti Siudad ti Laoag. Nangisursuro iti dandani uppat a dekada iti Holy Spirit Academy of Laoag.)
Magatang ti Bannawag kadagiti sukiyo nga aglaklako iti pagiwarnak ken magasin.
Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.
Mabalin pay a magatang ti Bannawag iti
Shopee: http://bit.ly/Bannawag-Shopee
Lazada: http://bit.ly/Bannawag-Lazada
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/BannawagMagasin
Facebook Public Group: https://www.facebook.com/groups/bannawag.magazine
Dios ti agngina.
Isip pabaknangen, Bannawag ti basaen!
