Imbatad ti Department of Agriculture (DA) idi Mayo 6, 2024 a 100,000 metrika tonelada (MT) ti bimmabaan ti naapit a bagas iti umuna a tallo a bulan ti tawen gapu iti El Niño phenomenon.
Ngem inlawlawag ni DA Assistant Secretary Arnel de Mesa a bassit laeng daytoy a kantidad, idinto a 20.4-milion a metrika tonelada (MMT) ti namnamaen ti DA a maapit ita a tawen, ken masupusopan dagiti napukaw babaen ti importasion.
Impanamnama ni de Mesa nga umdas ti suplay a bagas ti pagilian.
Itay Mayo 2, imparangarang ti DA nga addan PhP5.90-bilion ti balor ti dinadael ti El Niño iti agrikultura, ket naapektaran dagiti 113,585 a mannalon.
Manipud Kadagiti Agdama a Kameng ti Bannawag: Dios ti Agngina!
Dagitoy dagiti 12 a rehion a naapektaran ti El Niño: Cordillera Administrative Region (CAR), Ilocos Region, Cagayan Valley, Central Luzon, Calabarzon, MIMAROPA, Bicol Region, Western Visayas, Eastern Visayas, Zamboanga Peninsula, Davao Region, ken Soccsksargen.
Segun iti datos ti DA, agdagup iti PHP2.18-bilion ti balor ti tulong nga impaay ti gobierno kadagiti naapektaran a mannalon ken mangngalap. (Jel Santos/Manila Bulletin//Lito Hilidon/Bannawag)
