Binallaagan ti Department of Education (DepEd) ti publiko iti panagraira ti maididiaya a peke a tulong-pinansial kadagiti agturpos iti elementaria agingga iti kolehio.
Kinuna ni DepEd Undersecretary Michael Poa, naiwaras iti social media ti paskil a 'cash assistance' ket nausar pay ti logo ti DepEd.
Inlawlawag ni Poa nga awan ti kasta a programa ti DepEd, ket imbalakadna ti panagridam iti panangted iti personal nga impormasion dagiti ubbing.
Dua a paskil iti social media ti agididiaya iti PhP8,000 a balor ti tulong kadagiti agturpos iti elementaria agingga iti kolehio, ket agpatingga laeng kano inton Mayo 20 ken 29.
SIDINGAN A DAPAN: Wow, El Nido!
Birth certificate manipud iti Philippine Statistics Authority (PSA), sertipiko iti "Good Moral Character," ken ti report card ti eskuela ti kidkiddawen ti peke nga anunsio.
Impakdaar ti DepEd iti publiko a liklikanda ti mangited kadagitoy nga impormasion, ta mabalin a maikulbo dagiti ubbing. (Stephanie Sevillano/PNA//Lito Hilidon/Bannawag)
