Inyebkas ni Presidente Ferdinand "Bongbong" Marcos, Jr. (PBBM) ti panangsuportarna ken ni Senador Francis "Chiz" Escudero a kas baro a Senate President.
Itay Mayo 20, 2024, nabotosan ni Sen. Escudero a kas Senate President kalpasan a naglusulos ni Sen. Juan Miguel Zubiri iti akemna.
Dinayaw ni PBBM dagiti gapuanan ni Escudero iti serbisio publiko, ket patienna a babaen ti panangiwardas ni Escudero a kas Senate President, maipaulog dagiti paglintegan nga ad-adda pay a mangidur-as iti pagilian.
Dinayaw met ni PBBM dagiti nagapuanan ni Senador Zubiri iti dua a tawen a panagakemna a kas Senate President.
Manipud Kadagiti Agdama a Kameng ti Bannawag: Dios ti Agngina!
Simmaruno met a naglusulos da Senador Loren Legarda (Senate President Pro Tempore), Joel Villanueva (Majority Leader), agraman da Nancy Binay, Sonny Angara, ken JV Ejercito a kas daulo dagiti komite nga iggemda.
Nabotosan da Senador Jinggoy Estrada a kas Senate President Pro Tempore; Francis Tolentino a kas daulo ti Committee on Rules chairperson ken Majority Floor Leader; idinto a ni Alan Peter Cayetano ti nagbalin a daulo ti Committee on Accounts.
Iti sabali a bangir, imbatad ni Senate Minority Leader Aquilino “Koko” Pimentel III nga agtalinaedda ken ni Sen. Risa Hontiveros iti minoria.
Segun iti report, dagiti nangsuportar ken ni Escudero ket da Senador Cynthia Villar, Mark Villar, Grace Poe, Ramon “Bong” Revilla, Jr., Francis Tolentino, Jinggoy Estrada, Alan Peter Cayetano, Pia Cayetano, Christopher "Bong" Go, Robinhood "Robin" Padilla, Imee Marcos, Manuel "Lito" Lapid, ken Raffy Tulfo. (Betheena Unite/Manila Bulletin//Lito Hilidon/Bannawag)
