Nakoronaan ni Melar Claire V. Romero, Saniata ti Diadi, a kas Saniata ti Nueva Vizcaya 2024 itay Mayo 23, 2024.
Daytoy ti maikadua a korona nga inyalat ti Diadi sipud idi 2017.
Inyalat ni Saniata ti Dupax Del Norte Kyla Monique R. De Castro ti Fourth Runner-up, ni Saniata ti Kasibu Sharmaine Joyce O. Alilin ti Third Runner-up, ken ni Saniata ti Aritao Raeley Jane G. Vilaray ti Second Runner-up.
Ni Saniata ti Bayombong Athena I. Lodevico ti nangyalat iti First Runner-up.
Manipud Kadagiti Agdama a Kameng ti Bannawag: Dios ti Agngina!
Iti damo, impagarup ni Romero nga isuna ti nangyalat iti First Runner-up. Ngem kasla nagmalanga ket saan a namati idi maammuanna nga isuna gayam ti nangyalat iti korona.
Sakbay daytoy, imparang ni Romero ti napudno ken makaay-ayo a kababalinna gapu iti dina panangilimed iti riknana ken ni Ian Veneracion, ket inar-arakupna daytoy bayat a kankantaanna ida. Banag a nangpasinged iti rikna dagiti agbuybuya.
Nupay awan naalana a minor award, impakita ni Romero ti kinasaririt ken nauneg a pannakaawatna mainaig iti personal a panagdur-as ken ayat babaen ti panangsungbatna iti final question kadakuada amin: “Would you be willing to commit a mistake just to correct a mistake by the person that you truly loved? Why or why not?”
Imbitla ni Romero: “Mistakes don’t define who we are. Mistakes are just learnings based on our own experiences. If I were to commit a mistake for the one I truly love, I think I would rather not commit it because if I were to commit his mistakes, it means that I don’t want him to grow; I don’t want him to be the best version of himself. And I believe that mistakes are the best thing that we can learn in life.” (Vizcaya Reporter//Lito Hilidon/Bannawag)
