Impakaammo ti Philippine Atmospheric, Geophysical, and Astronomical Services Administration (PAGASA) itay Mayo 25, 2024 nga addan iti taaw ti Calbayog, Samar ti Tropical Depression nga Aghon.
Itay 7:00 ti agsapa, nasaripatpatan ti PAGASA ti panaggaraw ni Aghon nga agturong iti amianan a laud iti kapardas a 30 kilometers per hour (kph).
Nagtalinaed ti pigsa ni Aghon a 55 kph iti asideg ti sentrona, ken 85 kph a pugso ti anginna.
Naipan iti Signal number 1 dagitoy a lugar: Aurora, Polillo Islands, ti amianan ken abagatan a daya ti Quezon, ti daya a paset ti Romblon, daya a paset ti Marinduque, Camarines Norte, Camarines Sur, Catanduanes, Albay, Sorsogon, agraman Masbate, Burias ken Ticao Islands.
TURISMO: Intayon Idiay Ayuyang Garden iti Pila, Siudad ti Laoag!
Nagtalinaed iti Signal number 1 ti Northern Samar, Samar, Eastern Samar, Biliran, ti amianan a paset ti Leyte, amianan a paset ti Cebu, agraman ti Camotes ken Bantayan Island. (Sonny Daanoy/Manila Bulletin//Lito Hilidon/Bananawag)
