Winaswasen ti Philippine Atmospheric, Geophysical and Astronomical Services Administration (PAGASA) ita, Mayo 28, 2024 dagiti Tropical Cyclone Wind Signal (TCWS) iti sumagmamano a lugar, idinto a kimmapsuten ti Bagyo Aghon.
Imet ni Aghon (international name: Ewiniar) ti kapigsa a 130 kilometers per hour (kph) iti asideg ti sentrona ken ti pugso a 160 kph.
Nasaripatpatan ti PAGASA ti bagyo iti 315 a kilometro iti daya ti Tuguegarao City, Cagayan nga agpaamianan a daya iti kapardas a 15kph ken mabalin a rummuaren iti Philippine Area of Responsibilirt (PAR) inton Mierkoles, Mayo 29.
Nupay kasta, mangyeg latta ni Aghon iti nadawel a dalluyon kadagiti baybay ti Cagayan, Isabela, amianan ti Aurora, ken ti amianan a baybay ti Polillo Islands, Camarines Norte, Camarines Sur, ken Catanduanes. (Ellalyn De Vera-Ruiz/Manila Bulletin//Lito Hilidon/Bannawag)
