Saan a bigbigen ti Philippine Navy (PN) ti impaulog ti China a "fishing ban" iti West Philippine Sea (WPS) a kukua ti Filipinas.
Itay Mayo 27, impakaammo ti Department of Foreign Affairs (DFA) nga iparit ti China ti panagkalap iti paset ti exclusive economic zone (EEZ) ti Filipinas manipud Mayo 1 agingga iti Setiembre 16, 2024.
Kinuna ni PN spokesperson for the West Philippine Sea (WPS) Commodore Roy Vincent Trinidad nga addan dagiti barko ti PN nga agbantay iti WPS, agraman iti Bajo de Masinloc (BdM).
Segun iti PN, manipud Mayo 21 agingga iti 27, addan 122 a barko ti China iti walo a paset ti WPS.
Manipud Kadagiti Agdama a Kameng ti Bannawag: Dios ti Agngina!
Naiwaras dagitoy iti BdM (5 a CCGV ken 14 a Chinese Maritime Militia Vessel); iti Ayungin Shoal (5 a CCGV ken 17 a CNNV); iti Pagasa Island (1 CCGV ken 1 a barko ti People's Liberation Navy (PLAN) ken 34 a CCMV); Kota Island (1 a CCMV); Panata Island (3 a CMMV); Patag Island (2 a CCGV ken 2 a CMMV); Sabina Shoal (2 a CCGV, 4 a PLAN, ken 30 a CMMV).
Addan 25 a diplomatic protest maibusor iti China ti naipila sipud iti panangrugi ti tawen.
Indagadag ti Filipinas iti China a suroten koma daytoy ti sangalubongan a linteg, kangrunaanna ti 1982 UNCLOS ken ti 2016 Arbitral Award. (Priam Nepomuceno/PNA//Lito Hilidon/Bannawag)
