Tapno mabigbig ti nadumaduma a seksual nga orientasion, kinatao, ken kultura iti komunidad ti LGBTQIA+ iti probinsia ti Ilocos Sur, maangay ti makabulan a selebrasion ti Promoting Resiliency through Inclusivity and Diversity Embracement wenno PRIDE 2024 i'toy bulan ti Hunio.
Iti daytoy a gannuat ti gobierno probinsial, maitandudo ti importansia ti panangawat iti panagduduma ti kinatao (gender differences) ken pagayatan a kinatao (gender preferences) babaen ti salisal, panangipakita iti talugading, panagsanay, ken panagadal.
Mairaman kadagiti tampok ti PRIDE 2024 ti "Lights, Lanes, and Lanterns" a naangay idi Hunio 1 a nakagangtan dagiti silaw ti PRIDE a maris bullalayaw, PRIDE pedestrian lanes, PRIDE Arc, ken pannakaibitin dagiti bandera ti PRIDE iti Siudad ti Vigan.
Maangay met ti SOGIE Storybook Mentorship a napauluan iti “Bukas na si Cajon” ken “One of the Boys” iti Hunio 1 ken 8.
Ket Itartarayanmi Dagiti Bomba
Maaramid met inton Hunio 15 ti The Amazing PRIDE Race a napauluan iti “Bekirerahan” ken “Tombalakasan” kadagiti ili ti San Esteban, Sta. Maria, Bantay, Caoayan, ken iti Siudad ti Vigan.
Maisayangkat met inton Hunio 22 ti maysa nga aldaw a Mix League One Day All Star Volleyball Tournament a pakisalisalan dagiti kameng ti LGBTQIA+.
Kas panggibus a parambak, maangay ti PRIDE March inton Hunio 29 babaen ti panangidaulo ti gobierno probinsial ti Ilocos Sur, nadumaduma nga organisasion dagiti LGBTQIA+ ken dagiti mangisaksakit kadakuada. Mairugi daytoy iti sanguanan ti Vigan City Hall, agrikus kadagiti kalsada iti sentro ti siudad a pakairamanan ti nalatak a Kalye Crisologo ken agtunged iti Provincial Farmers Livelihood Development Center. (Mancielito S. Tacadena)
Magatang ti Bannawag kadagiti sukiyo nga aglaklako iti pagiwarnak ken magasin.
Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.
Mabalin pay a magatang ti Bannawag iti
Shopee: http://bit.ly/Bannawag-Shopee
Lazada: http://bit.ly/Bannawag-Lazada
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/BannawagMagasin
Facebook Public Group: https://www.facebook.com/groups/bannawag.magazine
Dios ti agngina.
Isip pabaknangen, Bannawag ti basaen!
