Addakanto Latta Kadakami-Bannawag

Iti lagip ni Dr. CECILIA L. PACIS-ARIBUABO* (Marso 3, 1951-Hunio 7, 2024)

Dimi impagarup a kayatmon ti agawid
Iti sidong ti Apo a rugi ken gibus ti amin
Iti tagtagainep nagpakadaka la ketdi
Kadagiti ipatpategmo iti daytoy a biag.

Saandakanton a makita ngem ammomi
Addakanto latta a mangtaripato iti pagtaengam
Ta dagiti napintas nga adal ken sursuro
Intalimeng dagiti annakmo, didanto malipatan.

Dagiti patpatgem maikawadanto, apay a di saan
Iti kaaddam, iti ayatmo, iti isemmo a naynay
Ngem agyamandanto met gapu ta ti Dios, impaaynaka
Kadakuada a kas nadungngo nga asawa ken ina.

Dakami met a nabatim a gagayyemmo, ti lagipmi
Kenka kas pagsaingan a ti rayrayna di mapuyupoy;
Didakanto malipatan iti kinapudnom a kas pagayam
Ken kas nagpapaay kadagiti umili, adu nga adalan.

Wen, awankan a kas linnaaw nga inigup ti darang
Ngem addakanto latta kadakami, saanka a pumusay
Dios ti kumuyog, kunami kenka a bulon ti kararag
Agingga iti panagkikitatayo manen, ipatpategmi a kabsat!

--ELIZABETH MADARANG-RAQUEL

Daton a daniw manipud iti Mariano Marcos State University--College of Teacher Education Alumni Association nga idauluan ni Dr. Alegria Tan-Visaya.

*Pimmusay ni Dr. Cecilia “Cecille” L. Pacis-Aribuabo, tubo ti Vintar, Ilocos Norte ken mannurat ti Bannawag, idi Hunio 7, 2024 iti edadna a 73. Inulilana ti kaingungotna a ni Polly ken dagiti annak, mamanugang, ken appokoda, da Rommel Rufo (pimmusayen), Ryan Mark (nayasawa ken ni Winne Ann), Richie Paul (nayasawa ken ni Cristina Sharon, annakda da Asher Paul ken Andrew Paul), ken Reddy Lawrence (nayasawa ken ni Rizza Joy). Nagretiro ni Cecille a Division Schools Superintendent ti DepEd-Ilocos Norte. Kabsatna ni Donel Pacis, mannurat ti Bannawag ken Pedro Bucaneg Awardee 2015.

Ni Dr. Cecilia L. Pacis-Aribuabo (maikadua iti kanigid) iti idadar-ayna iti pannakayalnag ti *Karatay: Antolohia Dagiti Salaysay, Daniw, Pammagbaga, ken Pabula,* libro ni Rosario “Chato” Rivera Lamug, idi Abril 5, 2024 iti Shakey’s, Siudad ti Laoag. Nairaman iti nasao a libro ti “Vintar” a daniw ni Dr. Aribuabo. Agpakanawan: Mrs. Ely Raquel, Dr. Aribuabo, Mrs. Chato R. Lamug, Dr. Norma Fernando, ken Mrs. Isabel Sandi.

Kadua ni Dr. Cecilia L. Pacis-Aribuabo (sango, maikatlo manipud iti kanigid) dagiti mannurat iti Ilocos Norte iti pannakayalnag ti libro a *Karatay: Antolohia Dagiti Salaysay, Daniw, Pammagbaga, ken Pabula* idi Abril 5, 2024, dua a bulan sakbay ti ipupusayna idi Hunio 7, 2024. Nakatugaw, agpakanawan: Dr. Joye Madalipay, Mrs. Ely Raquel, Dr. Cecilia Aribuabo, Mrs. Chato R. Lamug, Dr. Norma Fernando, ken Mrs. Isabel Sandi. Nakatakder, agpakanawan: Gloria Paguirigan, Rexy Agas, Daniel L. Nesperos, Charles Madalipay, Dr. Joel Lopez, Lovely Sandi, Mario Tejada, Michael John Ancheta, Oswald A. Valente, Lorna Dumayag, Leah Lampitoc, Lucia Carino, Judy Guillermo, Architect Ronald Sotelo, ken Arthur Guillermo. Akinlikud a linia: Manuel Dumayag, April Grace Lamug, Zac Matthew Rafael Lamug, Merlyn Carino, ken Renato Taylan.

Magatang ti Bannawag kadagiti sukiyo nga aglaklako iti pagiwarnak ken magasin.

Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.

Mabalin pay a magatang ti Bannawag iti

Shopee: http://bit.ly/Bannawag-Shopee

Lazada: http://bit.ly/Bannawag-Lazada

Para iti digital a kopia:

PressReader: http://bit.ly/3n83kNQ

Magzter: http://bit.ly/407pazG

Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph

Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,

iti Instagram: https://www.instagram.com/bannawagmagazine

iti Twitter: https://twitter.com/BannawagMagasin

Facebook Page: https://www.facebook.com/BannawagMagasin

Facebook Public Group: https://www.facebook.com/groups/bannawag.magazine