Salaysay ni ROBERTO BISCARRA PALOPE
NAKORONAAN ni Laveanne Sofiah Velasco, 7, nangibagi iti Sitio Ar-arosip (ti Brgy. Buli, La Paz, Abra) a kas Reyna Elena iti May Flower Festival a naangay idi Mayo 26, 2024 iti Saint Joseph the Worker Parish iti Buli, La Paz, Abra. Maitutop la unay ti kupkupikopanna a talugading ta isu ti napili a kalalaingan ken kapipintasan kadagiti amin a kinabalubalna. Daytoy ti damo a pannakipartisiparna iti May Flower Festival.
Ismarte nga aggunggunay nupay di unay a matagtagari. Ubing pay ngem masirayanen ti kinasidap ti ulona. Saan a paudi iti eskuelada. Paneknekan dayta dagiti adu a naaw-awatna a sertipiko ti pammadayaw; ribbon, ken medalia.
Pagyamanan unay ni Laveanne dagiti di magatadan a tulong dagiti nangsuporta kenkuana. No awanda, nalabit a dina a naragpat ti balangat ti balligi. Nupay naganus pay la ti panunotna, adda met arapaapna a kayatna a tun-oyen: ti panangsurotna iti tugot ni nanangna a Lovely Rose Dolor Velasco a nagturpos iti Hotel and Restaurant Management (HRM). Maysa met a seaman ni Mark John Velasco a tatangna. --O
Magatang ti Bannawag kadagiti sukiyo nga aglaklako iti pagiwarnak ken magasin.
TAO, LUGAR, PASAMAK: Ni Bagyo Nika iti Brgy. Sto. Tomas, Alicia, Isabela
Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.
Mabalin pay a magatang ti Bannawag iti
Shopee: http://bit.ly/Bannawag-Shopee
Lazada: http://bit.ly/Bannawag-Lazada
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/BannawagMagasin
Facebook Public Group: https://www.facebook.com/groups/bannawag.magazine
Dios ti agngina.
Isip pabaknangen, Bannawag ti basaen!
