Nasurok a 22,000 a polis ti baonen ti National Capital Region Police Office (NCRPO) nga agbantay iti maikatlo nga State of the Nation Address (SONA) ni Presidente Ferdinand Marcos Jr. inton Hulio 22, 2024.

Agdagup ti 17,971 a polis ti aggapu iti NCRPO; 1,879 ti aggapu iti Police Regional Offices of Central Luzon; Calabarzon (Cavite, Laguna, Batangas, Rizal, Quezon); ken Mimaropa (Oriental ken Occidental Mindoro, Marinduque, Romblon ken Palawan).

2,771 pay a ti aggapu iti dadduma nga ahensia ti gobierno.

Segun ken ni NCRPO Director Maj. Gen. Jose Melencio Nartatez, Jr. kaaduan kadagiti polis ket madutokan iti aglawlaw ti House of Representatives iti Batasan, Quezon City, idinto nga maipan dagiti dadduma kadagiti kangrunaan a paset ti Metro Manila.

Innayon ni Nartatez nga adda met polis nga agbantay iti Mendiola, iti Embahada ti Estados Unidos, ken iti Edsa Shrine, ta namnamaendan nga adda rali inton SONA.

Iti sabali a bangir, mapanen a 2,000 ti naipatulod nga imbitasion kadagiti sangaili para iti SONA daytoy a tawen, segun ken ni House Secretary-General Reginald Velasco.

Kinuna ni Velasco nga adun ti nagkompirmar a dumar-ay iti SONA ni Presidente Marcos daytoy a tawen. (Aaron Recuenco/Manila Bulletin//Lito Hilidon/Bannawag)