Inyebkas ni Presidente Ferdinand R. Marcos Jr. ti suportana iti panggep ti Armed Forces of the Philippines (AFP) a mangpabileg iti kabaelanda a mangsanget iti pakaseknanda iti cybersecurity.
Daytoy ti imbatad ni Presidente Marcos iti inangayna a Command Conference iti Camp Aguinaldo, Quezon City itay Hulio 4, 2024.
Dimmar-ay iti taripnong dagiti dadduma pay nga opisial a da Defense Secretary Gilbert Teodoro Jr., AFP chief Romeo Brawner Jr., Executive Secretary Lucas Bersamin, ken ni Special Assistant to the President Anton Lagdameo.
Indatag dagiti group commander dagiti detaliado a pakaammoda mainaig kadagiti bukodda nga operasion ken ti panangtingiting kadagiti pangta ti seguridad iti uneg ken ruar, agraman ti kasasaad ti Exercise Balikatan 39-2024.
Dinayaw ti Commander-in-Chief dagiti soldado gapu iti kinaturedda a nangsaranget kadagiti rebelde ken panangsalaknibda iti teritorio ti pagilian.
DPWH Sec. Dizon, makikooperar iti pannakaimbestigar iti Clark sports complex
Segun iti Presidential Communications Office (PCO), inkari ni Presidente nga inanamonganna ti gandat ti AFP a mangadaptar iti baro a taktika kontra iti cybersecurity, a napateg iti panangsalaknib kadagiti Filipino kadagiti pangta iti ruar wenno iti uneg ti pagilian. (Darryl John Esguerra/PNA//Lito Hilidon/Bannawag)
