Adda manen dagiti nasarakan a mapapati a shabu iti West Philippine Sea iti paset ti Ilokos partikular kadagiti masakupan ti San Esteban, Ilocos Sur ken Burgos, Ilocos Norte.
Idi Hulio 7, 2024, nakaala ti maysa a mangngalap manipud Brgy. Apatot, San Esteban, Ilocos Sur iti aqua-blue a plastik a pakete a naglaon iti puraw a crystalline substance iti baybay 18 a nautical miles iti laud ti WPS. Kinompirmar ti Ilocos Sur Police Provincial Forensic Unit a shabu daytoy ken agdagsen iti 998.42 a gramo ken agbalor iti PhP6,789,256.
Maysa met laeng a mangngalap manipud Burgos, Ilocos Norte ti nakasalaw idi Hulio 8, 2024 iti light blue a plastik a pakete nga addaan marka a “Cai Yu Lin” ken nalabaga a Chinese characters iti baybay a 12 a nautical miles iti laud ti Brgy. Bobon, Burgos. Mapapati a shabu met laeng ti linaon ti nasao a pakete.
Kiniddaw ni Police Brig. Gen. Lou F. Evangelista, direktor ti PNP Regional Office 1, kadagiti komunidad iti igid ti baybay ti Ilokos nga ipakaammoda kadagiti autoridad dagiti makita wenno masarakanda a pumada a pakete.
“Ditay' koma ipalubos a makastrek ti ania man a klase ti ilegal a droga iti rehiontayo," kinuna ni Evangelista. "Agtitinnulongtayo para iti talged ti maysanmaysa ken para iti masakbayan dagiti annaktayo," innayonna. (Manila Bulletin)
AMMUEM PAY DAYTOY: Sadiay Santa, Ilocos Sur
Magatang ti Bannawag kadagiti sukiyo nga aglaklako iti pagiwarnak ken magasin.
Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.
Mabalin pay a magatang ti Bannawag iti
Shopee: http://bit.ly/Bannawag-Shopee
Lazada: http://bit.ly/Bannawag-Lazada
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/BannawagMagasin
Facebook Public Group: https://www.facebook.com/groups/bannawag.magazine
Dios ti agngina.
Isip pabaknangen, Bannawag ti basaen!
