SINAKSIAN ni Gobernador ti Ilocos Sur Jeremias “Jerry” Singson ti panangdadael ti Philippine Drug Enforcement Agency (PDEA) iti aganay a 94,210 a gramo ti methamphetamine hydrochloride wenno shabu ken aganay a 14,594 a gramo ti marihuana babaen ti pannakapuor kadagitoy iti Angels Crematorium iti publiko a kamposanto ti Caoayan, Ilocos Sur idi Hulio 8, 2024
Agdagup iti PhP642,385,770 ti balor dagiti nasao nga ilegal a droga.
Nasarakan dagiti mangngalap dagiti shabu, a nakapakete, nga agtatapaw iti baybay a masakupan dagiti ili ti San Juan, Sta. Maria, Magsingal, ken San Esteban. Boluntario nga insuko dagiti nakasarak a mangngalap dagiti shabu kadagiti autoridad.
Nakompiskar met ti Philippine National Police ken PDEA dagiti marihuana kadagiti insayangkatda nga operasion kontra ilegal a droga.
TURISMO: Intayon Idiay Ayuyang Garden iti Pila, Siudad ti Laoag!
Kadua ti gobernador a nangsaksi iti pannakapuor dagiti ilegal a droga da PDEA Director General Virgillo M. Lazo, Coast Guard Commander ti District Northwestern Luzon Capt. Ivan E. Roldan, PDEA Regional Director Joel B. Plaza, PRO1 Regional Director Police Brid. Gen. Lou F. Evangelista, RO1 Forensic Unit Chief Police Col. Nerino Daciego, PDEA Ilocos Sur Chief Noreen Bautista, Ilocos Sur PPO Director Police Col. Darnel Dulnuan, Provincial Administrator Marlon Flavier Tagorda, dagiti kameng ti Sangguniang Panlalawigan ken dagiti mayor ti nadumaduma nga ili ti probinsia.
Sakbayna, idi Hunio 29, 2024, inyawat ti gobierno probinsial ti Ilocos Sur ti kuarta a gunggona kadagiti 12 a mangngalap a nangisuko kadagiti ilegal a droga a nasarakanda bayat ti panagkalapda. Sag-PhP50,000 ti inawat ti tunggal maysa kadakuada.
Nangted met ti PDEA iti nayon a PhP5,000 tunggal pakete ti shabu a nasarakan dagiti mangngalap. (Mancielito S. Tacadena)
Magatang ti Bannawag kadagiti sukiyo nga aglaklako iti pagiwarnak ken magasin.
Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.
Mabalin pay a magatang ti Bannawag iti
Shopee: http://bit.ly/Bannawag-Shopee
Lazada: http://bit.ly/Bannawag-Lazada
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/BannawagMagasin
Facebook Public Group: https://www.facebook.com/groups/bannawag.magazine
Dios ti agngina.
Isip pabaknangen, Bannawag ti basaen!
