Agdagup iti PhP133 milion a grants ti agur-uray a maited kadagiti maaprobaran ti aplikasionda iti Competitive Grants Program 2025 ti National Commission for Culture and the Arts (NCCA). Panggep daytoy a programa a padur-asen ti arte ken kultura ti Filipinas, aggibus ti panagidatag iti aplikasion iti Agosto 31, 2024.
Palubosan ti Section 12.a.4 of ti Akta Republika 7356 [NCCA Charter] ti Commission a mangited iti grants kadagiti artists and cultural groups a dakkel ti maitulongda iti pannakapadur-as ti tawid a kultural babaen dagiti naisangsangayan a gapuananda iti arte ken kultura.
Sagudayen pay ti Section 13.h ti isu met laeng a linteg a ti Commission ti mangtarawidwid iti National Endowment Fund for Culture and the Arts (NEFCA) a mangipaay iti grants iti pannakaparang-ay, pannakasalaknib, pannakapagtalinaed, ken pannakaisaknap ti arte ken kultura ti Filipinas.
Silulukat ti NCCA Competitive Grants Program kadagiti non-government organizations (NGOs), people's organizations (POs), indigenous peoples’ organizations (IPOs), indibiduals, local government units (LGUs), government agencies (GAs), state universities and colleges (SUCs), ken public schools.
<i>Vigilante star... for all seasons: </i>Maysa a panangrebiu iti 'Uninvited'
Maisentro ti NCCA Competitive Grants Program iti uppat nga strategic outcomes iti babaen ti Philippine Development Plan for Culture and the Arts 2024–2029: Filipino Identity Reaffirmed; Filipino Creativity and Innovativeness Harnessed; Humane, Inclusive, and Sustainable Communities Established; ken Culture and Disaster Responsive Governance Enhanced.
Uppat a subcommissions ti NCCA (buklen ti 19 national committees) ti mangimaton kadagiti proyekto, kas sumaganad: Subcommission on the Arts (SCA); Subcommission on Cultural and Traditional Arts (SCCTA); Subcommission on Cultural Dissemination (SCD); ken Subcommission on Cultural Heritage (SCH).
Kadagiti proponente nga interesado a makipartisipar iti programa, nasken a mangidatagda iti project proposal a maipatulod iti:
Program Management Division (PMD)
National Commission for Culture and the Arts
Room 5B, Fifth Floor, NCCA Building
633 General Luna Street, Intramuros 1002 Manila, Philippines
Telephone Nos: (02) 8527-5535 (Trunk Line) locals 524, 541, and 507
E-mail: [email protected]
Maysa laeng a proposal ti mabalin nga idatag ti tunggal proponente; masapul a kompletuenna ti NCCA Project Proposal Form; ilanadna no ania a kategoria a maibagay ti proyektona, ken idatagna dagiti kasapulan a dokumento a kas kiddawen ti NCCA a kas pre-requisite iti pannakaaprobar ti proyekto; ken nasken a maisurat ti singasing a proyekto iti Filipino wenno iti Ingles.
Para iti dadduma pay nga impormasion maipanggep iti 2025 NCCA Competitive Grants Program, makiuman iti Program Management Division Secretariat iti telepono (02) 8527-2192 (TL) loc. 509, fax numbers (02) 8527-2198 / (02) 8527-2209 / (02) 8527-2194, wenno ag-e-mail iti [email protected]. Mabalinyo met a bisitaen ti https://ncca.gov.ph/ncca-competitive-grants-program/ and ken ti Facebook page para iti nayon a detalye. (Rene S. Napeñas, Head, Public Affairs and Information Office/ Cles B. Rambaud)
Magatang ti Bannawag kadagiti sukiyo nga aglaklako iti pagiwarnak ken magasin.
Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.
Mabalin pay a magatang ti Bannawag iti
Shopee: http://bit.ly/Bannawag-Shopee
Lazada: http://bit.ly/Bannawag-Lazada
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/BannawagMagasin
Facebook Public Group: https://www.facebook.com/groups/bannawag.magazine
Dios ti agngina.
Isip pabaknangen, Bannawag ti basaen!
