Pimmusay ni Graciano Gasmen iti edadna a 101 iti pagtaenganda iti Barangay Lungog, Narvacan, Ilocos Sur idi Agosto 5, 2024.
Naipasngay idi Disiembre 18, 1922, nalatak iti awagna a “Tatang Bueno” ken malaglagipto iti dakkel a kontribusionna iti kagimongan idi kabambannuaganna.
Iti nabayag a panagpaayna kas Operations Manager ti kompania ti bus a Velca Trans, adu ti natulonganna a taga-Narvacan a nakastrek iti trabaho ken nakapagbasa babaen ti panangtarakenna kadagitoy tapno makigasanggasatda iti siudad.
Ti naisangsangayan a galadna, ibilangna amin dagiti tulonganna a kas bukodna nga annak, nga isu ti nangbirngasanda kenkuana iti “Tatang Bueno.”
TAO, LUGAR, PASAMAK: Ni Bagyo Nika iti Brgy. Sto. Tomas, Alicia, Isabela
“Baritokami pay laeng, gapu ta awan pagbasami, innalanakami a tumulong nga agdalus kadagiti bus ti Velca iti Manila tapno makapagadalkami laeng.” Dayta ti kinuna daydi Air Force Colonel Julio D. Ramos a maysa kadagiti naruay a taga-Narvacan a natulongan ni Tatang Bueno.
Idi agrikep ti Velca Trans idi 1970s, nagpa-US ket nagtrabaho iti banko iti Hawaii agingga iti panagretirona. Inkeddengna kalpasanna ti agsubli iti Filipinas ta kas kunana: ”Awan iti kas iti daga a nakayanakan a pagnaedan.”
Buridek a sagibo ni Tatang Bueno ni University of Hawaii Professor Imelda Fines Gasmen.
Mabigbig dagiti Gasmen a teddek iti Barangay Lungog. Manongna daydi nabayag a nagpaay nga Association of Barangay Captain President Dominador Gasmen idi dekada '60 agingga iti '80, ken kasinsinna met ni nag-Defense Secretary Voltaire Gazmin. --O
Magatang ti Bannawag kadagiti sukiyo nga aglaklako iti pagiwarnak ken magasin.
Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.
Mabalin pay a magatang ti Bannawag iti
Shopee: http://bit.ly/Bannawag-Shopee
Lazada: http://bit.ly/Bannawag-Lazada
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/BannawagMagasin
Facebook Public Group: https://www.facebook.com/groups/bannawag.magazine
Dios ti agngina.
Isip pabaknangen, Bannawag ti basaen!
