Suksukimaten dagiti polis ti dokumento dagiti baboy a maibibiahe iti Balaoan, La Union. Maipakpakat ti istrikto a panangsukimat kadagiti baboy iti nasao nga ili kalpasan a pito a barangay ti nakairekord kadagiti positibo a kaso ti ASF. (Ladawan manipud iti Balaoan Police Station)

Sangapulo a barangay iti dua nga ili ken maysa a siudad iti La Union ti apektado iti African swine fever (ASF), segun iti Department of Agriculture (DA)-Ilocos Region.

Naammuan a pito kadagiti barangay ti masarakan iti ili ti Balaoan, dua iti Luna, ken maysa iti Siudad ti San Fernando.

Kinuna ni Dr. Alfiero Banaag, DA-Ilocos Regulatory Division Chief ken ASF Focal Person, nga aganay a 329 a baboy manipud iti Balaoan, 56 manipud iti Luna, ken 30 iti Siudad ti San Fernando, ti napapatay (culled).

Kinuna pay ni Banaag a makitintinnulongda kadagiti LGU tapno maleplepan ti panagwaras ti virus ti ASF iti sabsabali pay a lugar. Naipakaten kadagiti apektado a lugar ti pannakaiparit ti pannakaiserrek ken pannakairuar ti sibibiag a baboy iti uneg ti 30 nga aldaw.

Ammuem Pay Daytoy
Ket Itartarayanmi Dagiti Bomba

Ket Itartarayanmi Dagiti Bomba

"Agtultuloy ti panagbantaymi ta awan pay ti mabalin a mausar a bakuna kontra iti ASF ket adda laeng iti aglawlaw ti virus a mabalin nga agwaras," kinuna ni Banaag. Innayonna a segun iti obserbasionda iti napalabas a tawen, no tiempo ti panagtutudo ken nabasa ti aglawlaw, tumpuar dagiti kaso ti ASF.

Impakaammo met ni Banaag a 72 nga agtartaraken iti baboy iti Balaoan, 7 iti Luna, ken maysa iti San Fernando ti ikkan ti DA iti kompensasion a PhP5,000 tunggal baboy a mapapatay, iti maximum a 20 a baboy tunggal agtartaraken ti mabayadan. (Hilda Austria/PNA)

Magatang ti Bannawag kadagiti sukiyo nga aglaklako iti pagiwarnak ken magasin.

Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.

Mabalin pay a magatang ti Bannawag iti

Shopee: http://bit.ly/Bannawag-Shopee

Lazada: http://bit.ly/Bannawag-Lazada

Para iti digital a kopia:

PressReader: http://bit.ly/3n83kNQ

Magzter: http://bit.ly/407pazG

Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph

Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,

iti Instagram: https://www.instagram.com/bannawagmagazine

iti Twitter: https://twitter.com/BannawagMagasin

Facebook Page: https://www.facebook.com/BannawagMagasin

Facebook Public Group: https://www.facebook.com/groups/bannawag.magazine

Dios ti agngina.

Isip pabaknangen, Bannawag ti basaen!