Indauluan ni Presidente Ferdinand R. Marcos Jr. (PBBM) ti turnover ceremony dagiti 148 a dadakkel a makinaria iti National Irrigation Administration (NIA), sadiay Global Construct City iti Mexico, Pampanga idi Agosto 7, 2024.

Impanamnama ni Presidente Ferdinand R. Marcos Jr (PBBM) nga awan ti mabaybay-an a mannalon a Filipino iti panggep ti gobierno a mangpabaro iti sektor ti agrikultura, ken ti panangpasayaat iti pagbiaganda.

Imbitlana daytoy bayat ti pannakayawat dagiti 148 a dadakkel a makinaria iti regional office ti National Irrigation Administration (NIA) sadiay Mexico City, Pampanga idi Agosto 7, 2024.

Agdagup iti PhP782.132 a milion ti gatad dagiti naipaay a baro nga alikamen para iti pannakamantener ti padanum, kas iti excavator, trailer truck, ken dumper, ket maikadua a paset daytoy ti Re-fleeting Program ti NIA.

Panggep ti Re-fleeting Program ti NIA a mapadaras ti pannakaipatakder dagiti sistema ti irigasion iti pagilian.

Nasional
11 a Chinese national, kinemmeg dagiti kameng ti PRO-5

11 a Chinese national, kinemmeg dagiti kameng ti PRO-5

Iti agdama, adda 257 a National Irrigation System (NIS), ket 8,802 a Communal Irrigation System (CIS) ti NIA. (Argyll Cyrus Geducos/Manila Bulletin//Lito Hilidon/Bannawag)