Mabalin a waswasen ti Department of Environment and Natural Resources (DENR) ti Environmental Compliance Certificate (ECC) dagiti reclamation project iti Manila Bay no matakuatan nga adda dakes nga epekto dagitoy iti aglawlaw.
Segun ken ni Secretary ti DENR Maria Antonia Yulo-Loyzaga, itay Agosto 7, 2024, a kangrunaan a kitaenda ti epekto dagitoy a proyekto iti ekonomia, ekolohia, ken iti gimong.
Agingga ita, madama pay laeng ti panangtingitingda kadagiti reclamation project a narugian idi napan a tawen.
Ti resulta ti panangtingiting ti pagibasaran iti pangngeddeng ti ahensia a maidatagto met iti Philippine Reclamation Authority (PRA) ti Office of the President (OP).
Gakat a mangisardeng iti mother tongue a pangisuro, nagbalinen a linteg
Impaganetget ni Kabataan Party-list Dip. Raoul Manuel a nasken ti nadaras a pannakawaswas ti ECC dagiti reclamation project no matakuatan nga adda negatibo nga epekto dagitoy iti Manila Bay. (Dexter Barro II/Manila Bulletin//Lito Hilidon/Bannawag)
