Impangabak ni Jorge Richard P. Guerrero, tubo ti Siudad ti Laoag, ti saritana a “Ti Al-alia” iti Umuna a Gunggona iti Maika-12 a Pasalip ALVIYA iti Sarita (2024) ti Alex Vicente Yadao Literary Foundation. Maysa a premiado a mannurat, mairaman kadagiti nangabakannan a pasalip ti Carlos Palanca Memorial Awards for Literature. Agtrabtrabaho iti agdama kas Agrarian Reform Program Officer II ti Department of Agrarian Reform - Ilocos Norte.
Inyalat met ni Jobert M. Pacnis, maysa a premiado met la a mannurat, ken mannursuro iti Aparri West National High School iti Bulala Norte, Aparri, Cagayan, ti Maikadua a Gunggona babaen ti saritana a “Tanem.” Agnanaedda ken ti pamiliana iti Ammubuan, Ballesteros, Cagayan. Maysa nga Electronics and Communications Engineer ngem ginuyod ti akademia.
Residente ti Ar-arosip, Buli, La Paz, Abra ni Roberto Biscarra Palope, ti nangabak iti Maikatlo a Gunggona babaen ti saritana a “Ti Trahedia iti Sitio Garangugong.” Nagtrabaho iti 18 a tawen iti opisina ti Municipal Planning and Development Coordinator iti munisipio ti La Paz, Abra a nagretiruanna idi 2014. Addaanda ken baketna nga Emerlinda Balingit Dolora iti tallo nga annak a bin-ig a babbai
Awaten met ni Jaime M. Agpalo Jr. ti maysa kadagiti dua a Pangliwliwa a Gunggona para iti saritana a “Ti Puraw a Kalapati.” Dati nga scriptwriter iti radio (1992-1997) sakbay nga immakar iti pagiwarnak iti Ilocos Sur, ti Saringit Chronicle a nagbalin a Tawid Magazine, ken idi agangay, nagbalin a pagiwarnak a Tawid News Magazine (1997-2001). Nagsurat kadagiti daniw, sarita, salaysay, ababa a drama, komentario, panirigan, editorial, damdamag, ken Bukanegan. Maysa a premiado a mannurat-mannaniw, nakaurnongen iti 24 a gunggona a pakairaman ti Palanca Awards.
Ni Jefferson Morales Somera ti mangawat iti maysa pay a Pangliwliwa a Gunggona babaen ti saritana a “Ti Alimatek, dagiti Balud ken ti Dalan.” Naipasngay iti Isabela ngem dimmakkel iti Abra. Anak da Ret. MSgt Antonio Somera (+) ken Patricia Morales (+). Nagturpos iti BS Criminology iti University of Northern Philippines iti Vigan, nga isu ti nagpangalanna a nagkameng iti Philippine Army. Naasawana ni Leonie Mae ket addaanda iti tallo a bunga a pasig a lallaki. Agnaeddan iti Siudad ti Catbalogan, Samar.
Aganay a sangapulo ket innem ti naisalip a sarita a nakapillian ti pito a finalist a nakaagsawan dagiti lima a nangabak.
Nagpaay a hurado da Ariel Sotelo Tabag, literary editor ti Bannawag; Junley Lorenzana Lazaga, propesor iti University of the Philippines-Baguio; ken Linda Lingbaoan-Bulong, dati nga editor iti UP Press.
Awaten dagiti nangabak dagiti sumaganad a gunggona: Umuna, PhP20,000; Maikadua, PhP10,000; Maikatlo, PhP7,000; sag-PhP4,000 a Pangliwliwa a Gunggona; ken sertipiko ti pammadayaw. Mayawat dagiti gunggona iti Dap-ayan ti GUMIL Filipinas a maangay inton Oktubre 2024.
Ti Pasalip ALVIYA iti Sarita ket imanmanehar ni Dr. Freddie Padua Masuli ken is-isponsoran ni Alex Vicente Yadao ti New York City. (Secretariat)
Magatang ti Bannawag kadagiti sukiyo nga aglaklako iti pagiwarnak ken magasin.
Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.
Mabalin pay a magatang ti Bannawag iti
Shopee: http://bit.ly/Bannawag-Shopee
Lazada: http://bit.ly/Bannawag-Lazada
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/BannawagMagasin
Facebook Public Group: https://www.facebook.com/groups/bannawag.magazine
Dios ti agngina.
Isip pabaknangen, Bannawag ti basaen!
