Angayen ti GUMIL Filipinas ti Pasnaan 13, ti maika-13 nga edision ti workshop dagiti mannurat nga Ilokano, inton Agosto 23-25, 2024 iti Ilocos Sur Polytechnic State College-Main Campus iti Candon City, Ilocos Sur.
Agpaay a fellow para iti sarita, ababa a sarita, daniw ken daniw a para ubbing da Ester Masuli Fillomena ti Sanchez Mira, Cagayan; Abraham C. Aguino, Jr. ti Bangui, Ilocos Norte; Romnick Mahor Asuncion ti Badoc, Ilocos Norte; Erlyn A. Balalio-Raña ti Dumalneg, Ilocos Norte; Minerva B. Orteza ti Allacapan, Cagayan; Heather Ann F. Pulido ti Baguio City, Benguet; Almer James T. Arruejo ti Vigan City, Ilocos Sur; ken Dimple Garcia Famajilan ti Galimuyod, Ilocos Sur.
Agpaay met nga observer ti sumagmamano nga estudiante ti ISPSC-Main Campus.
Malaksid iti pannaka-workshop dagiti sinurat dagiti napili a fellow, maiwayat pay ti dua a lektiur maipapan iti lengguahe ken panagsurat nga ipaay da Bannawag Editor Cles B. Rambaud ken Bannawag Managing Editor Juan Al. Asuncion nga agpada a karaman kadagiti agtugaw a panelist. Karaman a panelist dagiti premiado a mannurat nga Ilokano a da Joel B. Manuel, Daniel L. Nesperos, Estela A. Bisquera-Guerrero, ken Aileen R. Rambaud.
Ket Itartarayanmi Dagiti Bomba
Maysa kadagiti kangrunaan a programa ti GUMIL Filipinas, ti gunglo dagiti mannurat nga Ilokano iti Filipinas ken ballasiw-taaw, narugian ti Pasnaan idi Marso 2010, bayat ti panagtakem a presidente ti GF ni Elizabeth Madarang-Raquel, tapno agpaay a pamuspusan iti ad-adda pay a pannakaasa ti pluma dagiti mannurat nga Ilokano.
Iti daytoy nga edision, makitinnulong ti ISPSC-Main Campus, Komisyon sa Wikang Filipino, ken Bannawag iti pannakaisayangkatna, ken agserbi a direktor ti workshop ni Dr. Freddie P. Masuli, pangulo ti seminar-workshop ti GF a mangiwarwardas iti nasao a programa. (Pasnaan 13 Secretariat | Disenio ti imahen: Rolando A. Seguro Jr.)
Magatang ti Bannawag kadagiti sukiyo nga aglaklako iti pagiwarnak ken magasin.
Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.
Mabalin pay a magatang ti Bannawag iti
Shopee: http://bit.ly/Bannawag-Shopee
Lazada: http://bit.ly/Bannawag-Lazada
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/BannawagMagasin
Facebook Public Group: https://www.facebook.com/groups/bannawag.magazine
Dios ti agngina.
Isip pabaknangen, Bannawag ti basaen!
