Naipatulod dagiti kameng ti Armed Forces of the Philippines (AFP) a mangtulong iti operasion ti Police Regional Office-Davao Region (PRO-11) a mangsawar ken mangtiliw ken ni Apollo Quiboloy idiay Kingdom of Jesus Christ (KOJC) iti Davao City.
Kinuna ni Secretary ti Department of National Defense (DND)Gilberto Teodoro Jr. a naibaon dagiti kameng ti AFP a kas nayon a puersa a katulongan ti PNP a mangtaginayon iti talna ken urnos iti lugar.
Ngem inlawlawag ni Sec. Teodoro a saan a biang ti AFP ti panangipatungpal iti warrant of arrest ni Quiboloy, ta annongen daytoy ti PNP.
Idi Agosto 28, immay dagiti kameng ti PNP manipud iti tallo a rehion kas iti Police Regional Offices (PRO) 10 (Northern Mindanao), 12 (Central Mindanao), ken 13 (Caraga) tapno tumulong iti Civil Disturbance Management ti PRO-11 (Davao) bayat ti panangsawarda ken ni Quiboloy.
Makaammon ni Apo Dios,” kinuna Sen. Imee Marcos iti komento ni BP Duterte iti pannakaisubli ni tatangna iti Filipinas
Segun iti PNP, natakuatanda ti posible a bunker nga agarup 20-metro agingga 30-metro ti kaunegna, a nakakitaanda iti pagilasinan iti kaadda ti biag (tao) babaen ti ground-penetrating radar nga us-usarenda. (Aaron Recuenco/Manila Bulletin//Lito Hilidon/Bannawag)
