Ni Joel B. Manuel, mannurat, edukador ken eksperto iti lengguahe a taga-Balioeg, Banna, Ilocos Norte, ti napili a pakaipaayan ti 2024 Pedro Bucaneg Award, kas impakaammo ti Awards Committee ti Gunglo Dagiti Mannurat nga Ilokano iti Filipinas ken iti Ballasiw-Taaw (GUMIL Filipinas).
Ti Pedro Bucaneg Award ti kangatuan a pammadayaw nga ipapaay ti GUMIL Filipinas kadagiti mannurat nga Ilokano a nakaipaay iti naisangsangayan a gapuanan—sinurat ken tignay—iti pannakapadur-as ti Literatura Ilokana.
Mapadayawan ni Manuel gapu iti dakkel a kontribusionna iti agtultuloy a pannakapabaknang ti literatura ni Ilokano babaen dagiti adu a sinuratna a nailibro, nakagun-od iti pammadayaw wenno nangabak kadagiti pasalip, ken naipablaak kadagiti nadumaduma a magasin ken iti internet.
Mabigbig pay ni Manuel gapu kadagiti gapuanan ken dakkel a kontribusionna iti pannakaitandudo ti tignay-GUMIL, nangruna kadagiti proyekto a mangidur-as iti panagsurat ken sinurat iti pagsasao nga Ilokano babaen ti panagpapaayna nga isponsor, manglektiur, panelista, ken mangiturong kadagiti nadumaduma a seminar ken komperensia a kas iti Dap-ayan, Pasnaan, ken Binninglay.
Ket Itartarayanmi Dagiti Bomba
Kas eksperto iti benneg ti lengguahe, itantandudo pay ni Manuel ti tignay-GUMIL iti pannakasaluad ken pannakataginayon ti bukod a pagsasao babaen dagiti ar-aramidenna a panagsukisok, panagipablaak, ken panagiwaragawag kadagiti artikulo, pakaseknan ti linguistika, ortograpia ken gramatika ti pagsasao nga Ilokano.
Ti GUMIL Ilocos Norte, babaen ti Resolusion Bilang 2023-03, ti nanginominar ken ni Manuel para iti nadakamat a pammadayaw.
Agdama a prinsipal ni Manuel iti Bangui National High School iti Bangui, Ilocos Norte.
Awatento ni Manuel ti plake ti pammadayaw ken medalion bayat ti Dap-ayan, ti tinawen a kombension dagiti mannurat nga Ilokano, a maangay iti Aloha Nui Resort, Paras, Candon City, Ilcoos Sur inton Oktubre 18-20, 2024. (MTT)
Magatang ti Bannawag kadagiti sukiyo nga aglaklako iti pagiwarnak ken magasin.
Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.
Mabalin pay a magatang ti Bannawag iti
Shopee: http://bit.ly/Bannawag-Shopee
Lazada: http://bit.ly/Bannawag-Lazada
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/BannawagMagasin
Facebook Public Group: https://www.facebook.com/groups/bannawag.magazine
Dios ti agngina.
Isip pabaknangen, Bannawag ti basaen!
