KATROPA A POLIS. Pinagsapata ni Gobernador ti Ilocos Sur Jeremias “Jerry” Singson dagiti tallopulo ket lima a polis manipud iti Ilocos Sur Police Provincial Office kas naan-anay a "Kakibin a Talken iti Responsibilidad ken Obligasion iti Pamilia" wenno KAPTOPA idi Setiembre 2, 2024. Naangay ti panagsapata iti Opisina ti Gobernador kalpasan ti panagdalan dagiti nasao a polis iti tallo nga aldaw a panagsanay. Ti KATROPA ket maysa nga addang ti Provincial Population Office (PPO) iti salinong ti Responsible Parenthood and Family Planning nga addaan iti gagem a mangmuli ken mangtignay kadagiti lallaki tapno agbalin a nasaysayaat nga indibidual, responsable a kaasmang iti panagplano iti pamilia, responsable a nagannak (ama), mangkissay iti kinaranggas iti pagtaengan (domestic violence), mangpukaw iti kinaturay iti kaasmang a babai, ken katinnulong iti nadumaduma nga aktibidad a mangitunda iti panagdur-as ti komunidad. Agpaay met dagitoy KATROPA a polis a mangitandudo iti pannakayadal ti nasao a programa ti PPO iti nadumaduma nga ili ti Ilocos Sur. (Teksto: Mancielito S. Tacadena/Ladawan manipud iti Facebook Page ti Gobierno Probinsial ti Ilocos Sur)
