Nasugatan iti pannakapaltogna ti agdama a bise mayor ti Pidigan, Abra idi bigat-kalman, Septiembre 12, iti uneg ti hardware store daytoy iti Brgy. Pamutic, Pidigan.
Kinuna ti kuerpo ti polisia nga agtugtugaw ti biktima, ni Noel Bisares, 56, iti uneg ti hardware store iti 8:30 iti bigat idi sumangpet dagiti gunmen a nakamotorsiklo.
Inasitgan ti backrider ti biktima ket pinaltoganna daytoy a nakasugatan ti biktima iti akinkanawan nga imana ken ti abagana.
Nakasuot ti gunman iti naranghado a cap ken dagus a pimmanawda iti kaduana kalpasan ti pammaltog. Dagus met a naitaray ti biktima iti maysa nga ospital iti Ilocos Sur.
Ruth Padilla, agngayangay a kas Diputado ti Nueva Vizcaya
Asideg ti Pidigan iti kapitolio ti probinsia (Bangued), ken mapan a 50 a kilometro iti daya ti Siudad ti Vigan, ken mapan a 400 a kilometro ti kaadayona iti Manila. (Freddie Lazaro/MANIL:A BULLETIN)
