Pinalagipan ti Department of Social Welfare and Development (DSWD) dagiti benepisiario ti Pantawid Pamilyang Pilipino Program (4Ps) nga usarenda dagiti maipapaay nga ayuda a kuarta kadakuada a pangsuportar iti edukasion ken salun-at dagiti annakda.
Kinuna ni DSWD-4Ps National Program Manager and Director Gemma Gabuya idi Septiembre 16, iti livestream iti Facebook page ti DSWD, a saluadan koma dagiti 4Ps beneficiaries dagiti maaw-awatda nga ayuda ket usarenda dagitoy para iti pagimbagan ti panagbiag dagiti annakda nangruna ti panagbasa ken salun-at dagitoy.
Impalagip pay ni Gabuya a mangipapaay ti programa ti 4Ps iti conditional cash transfer kadagiti nakurapay a pagtaengan tapno mapasayaat ti para saluln-at, nutrision, ken edukasion nga aspekto ti panagbiag dagiti benepisiario.
“Para iti edukasion, mangmangtedkami PhP300 kada ubing iti binulan para kadagiti agbasbasa iti elementaria, iti unos ti sangapulo a bulan; PhP500 para kadagiti estudiante iti high school; ken PhP700 para kadagiti estudiante iti senior high school," kinuna ni Gabuya.
Camille Villar, napan kadagiti adda iti away, nakisarita kadagiti lider ti barangay
Mangipapaay pay programa ti 4Ps iti tunggal benepisiario a pagtaengan iti binulan a PhP600 a para iti bagas ken PhP750 nga ayuda para iti salun-at.
Iti agdama, addaan ti programa iti mapan a 4.4-milion a benepisiario iti entero a pagilian. (Ellalyn De Vera-Ruiz/MANILA BULLETIN)
