Indagadag ti Department of Labor and Employment (DOLE) kadagiti damona ti agsapul iti trabaho a gundawayanda ti libre a pre-employment documentary requirements nga ididiaya dagiti opisina ti gobierno.
Kinuna ti DOLE a daytoy a gannuat ket paset ti Republic Act 11261 nga am-ammo a kas First-Time Jobseekers Assistance Act tapno mapalag-anan kadagiti paggastuan dagiti agtutubo a Filipino a mayat a sumrek iti trabaho.
Kuna ti DOLE a tapno mabenepisiaran iti daytoy a programa, masapul a mangala dagiti aplikante iti sertipikasion ti barangay a mangpasingked a damoda ti sumrek iti trabaho ken iti pammasingked iti panagnaed iti di nakurkurang nga innem a bulan.
Nasken daytoy a sertipikasion para iti pananggun-od kadagiti nadumaduma a dokumento a kasapulan iti iseserrek iti trabaho a kas iti barangay clearance, police clearance (lokal ken nasional), National Bureau of Investigation clearance, medikal a certificate manipud kadagiti ospital a para publiko, ken sertipiko ti pannakayanak wenno panagasawa.
Australiano, 2 pay, natiliw gapu iti bogus a doliar
Dagitoy pay dagiti nayon a kasapulan a dokumento: transcripts of records, graduation certificate, diploma manipud kadagiti akreditado nga institusion, tax identification number, Philippine Health Insurance Corporation identification card, Civil Service certificate of eligibility, Department of Migrant Workers certificate, mayor's clearance, Maritime Industry Authority certificate, ken Technical Education and Skills Development Authority national certificates.
Ammuen ketdi a daytoy a tulong, saanna a sakupen dagiti aplikasion para iti professional licensure exam, pasaporte, wenno driver’s license. (Trixee Rosel/MANILA BULLETIN)
