LINGAYEN, Pangasinan – Maysa a mapukpukaw nga estudiante ti Pangasinan State University ti nasarakan a bangkay iti Baywalk ti Barangay Poblacion idi rabii ti Septiembre 24, Martes.
Innaganan ti polisia ti biktima a kas Evalend Cervera Salting, adda iti maikatlo a tukad ti BS Business Administration iti PSU-Lingayen.
Naammuan a ti naudi a pannakakita dagiti makaam-ammo kenkuana ket isu ti panagturong daytoy iti maysa a convenience store iti asideg ti PSU-Lingayen iti Lunes, Septiembre 23. Naireport met a mapukpukaw daytoy iti alas-7 iti rabii iti dayta met laeng nga aldaw.
Kinuna ti polisia a maysa a John Karlo Salvador Ramos, 35, ti Barangay Poblacion, iti daytoy nga ili, ti nakadiskobre iti bangkay ti biktima bayat ti panagpagnapagna daytoy kaduana ti pamiliana iti nasao a lugar iti rabii ti Martes.
Ruth Padilla, agngayangay a kas Diputado ti Nueva Vizcaya
Kinondenar ti PSU-Lingayen ti pannakapapatay ni Salting iti opisial a Facebook page daytoy babaen daytoy a paskil:
"We are devastated to confirm the loss of one of our students, Evalend C. Salting, 3rd Year BS Business Administration, whose life was tragically cut short in a senseless act of violence.
“Our thoughts and deepest condolences are with the family, friends, and loved ones of the victim during this incredibly difficult time.
“This senseless act of violence is not only a loss to the victim's family and friends but to the entire PSU Lingayen Community. We condemn this act in the strongest possible terms and are committed to ensuring that justice is served."
Gapu iti nasao nga insidente, kuna ti PSU nga ad-adda pay nga ingetanda ti pannakaisigurado ti kinatalged dagiti estudiante.
Iwaywayat ita ti polisia ti follow-up investigation idinto nga agkidkiddaw met iti hustisia dagiti kameng ti pamilia ken gagayyem ti biktima. (Liezle Basa Iñigo/Manila Bulletin// Cles B. Rambaud/Bannawag)
