NATIONAL FILIPINO FAMILY WEEK CELEBRATION. Tapno mapasingkedan ti panagkaykaysa ken panagtutunos dagiti empleado ti gobierno probinsial ti Ilocos Sur, naangay ti maysa a boodle fight, nagsasango a nangaldaw dagiti empleado, iti Provincial Farmers Livelihood Development Center idi Setiembre 24, 2024. Maysa daytoy nga addang ni Gobernador Jeremias “Jerry” Singson tapno agsangsangkamaysa, mapapigsa ti komunikasion ken mamantenar ti napintas a langenlangen dagiti empleado ken kas pannakikaysa metten ti gobierno probinsial iti selebrasion ti National Filipino Family Week. Sakbay ti boodle fight, naisayangkat ti maysa a misa ken parada iti sentro ti Siudad ti Vigan. Naangay met kalpasan ti pangaldaw ti agduduma a parlor games ken raffle draw a nakaipaayan dagiti premio a bagas ken nadumaduma a gift check nga aggatad iti PhP3,000 nga insagana ti Provincial Social Welfare and Development Office. (Teksto: Mancielito S. Tacadena/Ladawan: Pammadayaw ti Opisina ti Gobernador ti Ilocos Sur)